,Það svaraði spurningum mínum um nafn Guðs‘

Spænskumælandi maður í San Diego í Kaliforníu sagði orðin hér að ofan í bréfi til deildarskrifstofu Votta Jehóva í Bandaríkjunum. Hann sagði: „Þó að ég sé ekki í trúfélagi ykkar hef ég ánægju af að lesa ritin ykkar. Ég skrifa til að hrósa ykkur. Fyrir þrem dögum sá ég bækling í ruslinu. Hann var blautur en ég tók hann samt upp. Hann heitir Nafn Guðs sem vara mun að eilífu. Ég þurrkaði hann og rannsakaði hann svo vandlega.

Ég hef aldrei verið jafnheillaður af nokkru riti. Ég á ekki von á því að nokkuð annað þessu líkt sé til í heiminum. Það svaraði öllum spurningum mínum um nafn Guðs. Ég nota þetta skemmda eintak til að fræða trúaða vini mína um nafn Guðs. Ég spyr þá: ,Hvað heitir Guð?‘ En þeir geta ekki svarað og þá sýni ég þeim bæklinginn. Vinsamlegast sendið mér þrjú ný eintök á spænsku.“

Þú getur fengið eintak af bæklingnum Nafn Guðs sem vara mun að eilífu með því að útfylla og senda miðann hér að neðan.

□ Vinsamlegast sendið mér án allra skuldbindinga eintak af bæklingnum Nafn Guðs sem vara mun að eilífu.

□ Vinsamlegast hafið samband við mig varðandi ókeypis biblíunámskeið.