Hvers vegna eru til svona mörg trúarbrögð?

Kona nokkur skrifaði deildarskrifstofu Votta Jehóva í Gvatemala og lýsti samtali sem hún átti við vott í rútu. „Við töluðum um hvers vegna til væru svona mörg trúarbrögð,“ útskýrði konan. Hún sagði að votturinn hefði síðan dregið upp eintak af bæklingnum Hvers krefst Guð af okkur? og flett upp á kaflanum „Hvernig getur þú fundið hina sönnu trú?“ „Spurningin kom mér á óvart,“ skrifaði konan. „Þá fyrst gerði ég mér grein fyrir að það hlyti að vera til aðeins einn hópur sannra guðsdýrkenda.“

Þegar hún fékk tækifæri til að lesa bæklinginn varð hún mjög snortin. Hún sagði: „Ég skrifa ykkur til að athuga hvort ég geti fengið biblíunámskeið með hjálp þessa bæklings af því að ég er viss um að það sem í honum stendur er sannleikur.“

Þessi 32 blaðsíðna bæklingur, Hvers krefst Guð af okkur?, er í sama broti og þetta blað. Bæklingurinn svarar eftirfarandi spurningum auk þeirrar sem minnst var á hér að ofan:

◼ Hver er Guð?

◼ Hver er tilgangur Guðs með jörðina?

◼ Hvað er Guðsríki?

◼ Hvernig getur þú átt hamingjuríkt fjölskyldulíf?

Þú gætir haft ánægju af því að lesa bæklinginn Hvers krefst Guð af okkur? Þú getur fengið eintak af honum með því að útfylla og senda miðann hér að neðan.

□ Vinsamlegast sendið mér eintak af bæklingnum Hvers krefst Guð af okkur?

□ Vinsamlegast hafið samband við mig varðandi ókeypis biblíunámskeið.