HVERS VEGNA ER SJÁLFSVIRÐING MIKILVÆG?

• Rannsóknir sýna að þeim sem hafa litla sjálfsvirðingu er hættara við kvíða, þunglyndi og átröskunum. Og þeir eru líklegri til að misnota áfengi og vímuefni.

• Fólk sem ber virðingu fyrir sjálfu sér forðast að bera sig saman við aðra. Það gerir þeim auðveldara að eiga góð samskipti við annað fólk og mynda sterk vináttubönd. En þeir sem bera litla virðingu fyrir sjálfum sér eru oft gagnrýnir en það getur eyðilagt vinskap.

• Þegar fólk með sjálfsvirðingu lendir í erfiðleikum getur það komist í gegnum þá án þess að bugast. Það hættir ekki að keppa að markmiðum sínum þrátt fyrir hindranir. En þeir sem hafa litla sjálfsvirðingu líta oft á smávægileg mistök sem stóra hindrun. Þess vegna eru þeir líklegri til að gefast fljótt upp.

 HVAÐ GETUR ÞÚ GERT?

Veldu þér uppbyggjandi vini. Eigðu félagsskap við fólk sem ber virðingu fyrir öðrum, þeim sem hafa einlægan áhuga á að þér vegni vel og uppörva þig.

Hjálpaðu öðrum. Þegar þú ert vingjarnlegur og hjálpar öðrum – líka þeim sem geta ekki endurgoldið þér – finnurðu sanna gleði sem kemur af því að gefa. Þú gleðst jafnvel þó að aðrir taki ekki eftir því góða sem þú gerir.

Kenndu börnunum þínum að rækta með sér sjálfsvirðingu. Ein leið til þess er að leyfa þeim að leysa vandamál sem þau ráða við upp á eigin spýtur. Það hjálpar börnunum að læra að kljást við mótlæti. Þetta byggir upp sjálfvirðingu þeirra sem kemur sér vel fyrir þau á fullorðinsárunum.