Atburður sem þú ættir ekki að missa af

„Sérhver góð gjöf og sérhver fullkomin gáfa“ kemur frá himneskum föður okkar, Guði. — Jakobsbréfið 1:17.

EINGETINN sonur Guðs, Jesús Kristur, er mesta gjöfin sem hann hefur gefið til bjargar föllnu mannkyni. Jesús er frelsari okkar og með dauða hans opnaðist okkur leið til að hljóta eilíft líf í paradís á jörð. Í Lúkasi 22:19 er okkur sagt að minnast dauða hans.

Vottar Jehóva bjóða þig velkominn til hinnar árlegu minningarhátíðar um dauða Jesú. Hún verður haldin eftir sólsetur sunnudaginn 8. apríl 2001 sem svarar til 14. dags mánaðarins nísan samkvæmt tunglalmanaki Biblíunnar. Merktu við þessa dagsetningu svo að þú gleymir henni ekki. Vottar Jehóva á staðnum geta gefið þér nánari upplýsingar um samkomustað og tíma.