Atburður sem ber að minnast

HVAÐA atburður er þetta? Það er dauði manns sem lét lífið fyrir næstum 2000 árum. Hann sagði: „Ég legg líf mitt í sölurnar, svo að ég fái það aftur. Enginn tekur það frá mér, heldur legg ég það sjálfur í sölurnar.“ (Jóhannes 10:17, 18) Þessi maður var Jesús Kristur.

Jesús sagði fylgjendum sínum að minnast fórnardauða síns. Þessi minningarhátíð er einnig kölluð ‚máltíð Drottins‘. (1. Korintubréf 11:20) Vottar Jehóva og vinir þeirra halda minningarhátíðina um dauða Jesú eftir sólsetur fimmtudaginn 24. mars 2005.

Í ræðu, sem byggist á Biblíunni, verður fjallað um þýðingu ósýrða brauðsins og rauðvínsins sem notað er við þetta tilefni. (Matteus 26:26-28) Eftirfarandi spurningum verður einnig svarað: Hve oft eiga kristnir menn að minnast þessa atburðar? Hverjir eiga með réttu að taka af brauðinu og víninu? Hverjir njóta gagns af dauða Jesú? Þessi mikilvæga hátíð mun hjálpa öllum að skilja tilganginn með lífi og dauða Jesú.

Þú ert hjartanlega velkomin(n) á minningarhátíðina um dauða Jesú. Vinsamlegast hafðu samband við Votta Jehóva í þínu byggðarlagi og fáðu upplýsingar um stað og stund.