Koma Krists — ættum við að óttast hana?

HVAÐ sérðu fyrir þér þegar þú heyrir talað um komu Jesú Krists? Sérðu fyrir þér að mannkynið hljóti dóm og refsingu með tilheyrandi eyðileggingu? Eða heldurðu að koma Krists muni binda enda á öll vandamál okkar? Þurfum við að óttast komu hans? Eða ættum við að hlakka til?

Biblían segir um komu Krists: „Sjá, hann kemur í skýjunum og hvert auga mun sjá hann, . . . og allar kynkvíslir jarðarinnar munu kveina yfir honum.“ (Opinberunarbókin 1:7) Þarna er verið að tala um að Jesús komi til að launa hinum réttlátu og refsa hinum illu.

Jóhannes postuli óttaðist ekki komu Krists heldur hlakkaði til hennar. Eftir að hafa fengið opinberun um komu hans og hvað hún myndi þýða fyrir jörðina sagði Jóhannes í innilegri bæn: „Kom þú, Drottinn Jesús.“ (Opinberunarbókin 22:20) En hvers vegna ‚kveina allar kynkvíslir jarðarinnar yfir honum‘? Hvernig mun „hvert auga“ sjá hann? Hvað mun koma Krists hafa í för með sér? Hvernig gagnast það okkur núna að treysta á komu hans? Þessum spurningum er svarað í næstu grein.