Manstu?

Hefurðu haft ánægju af að lesa nýjustu tölublöð Varðturnsins? Reyndu þá að svara eftirfarandi spurningum:

• Af hverju er svona mikilvægt að við séum Jehóva ráðvönd?

Ef við erum ráðvönd sýnum við að við styðjum drottinvald Jehóva vegna þess að við elskum hann, og við sönnum auk þess að Satan er lygari. Jehóva dæmir okkur eftir ráðvendni okkar og þess vegna er hún forsenda þess að við höfum framtíðarvon. — 15. desember, bls. 4-6.

• Nefndu nokkrar nafngiftir sem lýsa hlutverki Jesú í fyrirætlun Guðs.

Einkasonur. Orðið. Amen. Meðalgangari nýja sáttmálans. Æðstiprestur. Hinn fyrirheitni niðji. — 15. desember, bls. 15.

• Hvernig getum við haft aukna gleði af boðunarstarfinu?

Við getum undirbúið hjarta okkar og hugleitt hve mikið við getum hjálpað öðrum. Við getum boðað fagnaðarerindið með það fyrir augum að hefja biblíunámskeið. Ef við finnum fyrir áhugaleysi getum við reynt að breyta um kynningarorð svo að þau höfði betur til fólks á svæðinu. — 15. janúar, bls. 8-10.

• Var holdsveikin, sem talað er um í Biblíunni, sami sjúkdómurinn og við þekkjum undir því heiti nú á dögum?

Bakteríusýkingin, sem kallast holdsveiki, var líka til á biblíutímanum. (3. Mós. 13:4, 5) Í Biblíunni er auk þess talað um holdsveiki sem lagðist á hús og flíkur. Þess konar ‚holdsveikiskellur‘ geta hafa verið það sem við köllum núna myglu eða fúkka. (3. Mós. 13:47-52). — Apríl-júní, bls. 19.

• Hvaða áhrif ættu kenningar Biblíunnar að hafa á viðhorf kristinna manna til jarðarfara og siðvenja sem tengjast þeim?

Þótt kristnir menn syrgi látna ástvini vita þeir að hinir dánu hafa enga meðvitund. Þó svo að fólk utan safnaðarins gagnrýni okkur höldum við okkur frá siðum og hefðum sem tengjast þeirri trú að hinir dánu geti haft áhrif á hina lifandi. Til að forðast vandamál skrifa sumir niður hvernig þeir vilja að útför sinni verði háttað. — 15. febrúar, bls. 29-31.

• Voru „Bók hins réttláta“ og bókin „um hernað Drottins“ innblásin biblíurit sem síðar glötuðust? (Jós. 10:13; 4. Mós. 21:14)

Nei. Þær virðast hafa verið óinnblásin rit sem biblíuritarar notuðu sem heimildir. — 15. mars, bls. 32.