Manstu?

Hefurðu lesið vandlega nýjustu tölublöð Varðturnsins? Reyndu þá að svara eftirfarandi spurningum:

Hvernig getur Salómon verið okkur víti til varnaðar?

Guð blessaði Salómon konung og notaði hann í þjónustu sinni. En Salómon leiddist afvega á stjórnartíð sinni og fór ekki eftir leiðbeiningum Jehóva. Hann kvæntist dóttur faraós, tók sér margar aðrar eiginkonur og með tímanum lét hann heiðnar konur sínar leiða sig út í falsguðadýrkun. Við þurfum að varast að tileinka okkur smám saman slæm viðhorf og rangar tilhneigingar. (5. Mós. 7:1-4; 17:17; 1. Kon. 11:4-8) – 15. desember, bls. 10-12.

Af hverju getum við ályktað sem svo að það hafi alltaf verið einhverjir andasmurðir kristnir menn á jörðinni frá og með fyrstu öldinni?

Í dæmisögu Jesú um hveitið og illgresið merkti góða sæðið börn ríkisins. (Matt. 13:24-30, 38) Illgresið átti að vaxa með hveitinu fram að kornskurðartímanum. Þar af leiðandi hljóta alltaf að hafa verið einhverjir andasmurðir á meðal okkar þó að við getum ekki vitað með vissu hverjir tilheyrðu þessum hópi. – 15. janúar, bls. 7.

Hvernig getum við sigrast á öfund?

Hér eru fáein atriði sem geta hjálpað okkur: Kappkostum að rækta með okkur kærleika og bróðurást, umgöngumst þá sem þjóna Guði, sækjumst eftir að gera það sem gott er og ,fögnum með fagnendum‘. (Rómv. 12:15) – 15. febrúar, bls. 16-17.

Hvað ættirðu að hafa í huga þegar þú veitir ráð?

Kynntu þér aðstæður vel. Svaraðu ekki í fljótfærni. Notaðu orð Guðs af auðmýkt. Notaðu ritin okkar ef þú getur. Reyndu ekki að taka ákvarðanir fyrir aðra. – 15. mars, bls. 7-9.