Ef þú fylgist með fréttum hefurðu eflaust tekið eftir að illvirki eru stundum framin í nafni trúarinnar. Hinn sanni Guð getur því ekki haft velþóknun á öllum trúarbrögðum. (Matteus 7:15) Reyndar hefur stór hluti mannkyns verið leiddur afvega. – Lestu 1. Jóhannesarbréf 5:19.

Guð tekur samt eftir einlægu fólki sem elskar það sem er gott og satt. (Jóhannes 4:23) Hann býður slíku fólki að kynnast sannleikanum í orði sínu, Biblíunni. – Lestu 1. Tímóteusarbréf 2:3-5.

Jehóva Guð sameinar fólk af ólíkum trúaruppruna með því að kenna því sannleikann um sig og með því að kenna því að elska hvert annað. (Míka 4:2, 3) Kærleikurinn einkennir þess vegna þá sem ástunda sanna trú og hafa velþóknun Guðs. – Lestu Jóhannes 13:35.

Þeir sem tilbiðja Guð í sannleika byggja trú sína á Biblíunni og lifa í samræmi við kenningar hennar. (2. Tímóteusarbréf 3:16) Þeir vegsama einnig nafn Guðs. (2. Mósebók 6:3, neðanmáls) Og þeir boða að ríki Guðs sé eina von mannkyns. (Daníel 2:44) Þeir líkja eftir Jesú og láta ,ljós sitt lýsa‘ með því að gera öðrum gott. (Matteus 5:16) Það er því hægt að þekkja sanna fylgjendur Jesú Krists á því að þeir banka upp á hjá fólki til að segja því frá fagnaðarerindinu um ríki Guðs. – Lestu Matteus 24:14; Postulasöguna 5:42; 20:20.