Biblían minnist hvergi beint á risaeðlur. En hún segir samt að Guð hafi ‚skapað allt‘ þannig að það er ljóst að þær eru þar á meðal. a (Opinberunarbókin 4:11) Í Biblíunni er minnst á hópa dýra sem geta innifalið risaeðlur:

•   ‚Stór sjávardýr‘ eða ‚sæskrímsli‘. – 1. Mósebók 1:21, neðanmáls.

•   „Öll dýr sem skríða á jörðinni.“ – 1. Mósebók 1:25.

•   „Villtu dýrin.“ – 1. Mósebók 1:25.

Þróuðust risaeðlur af öðrum dýrum?

 Risaeðlur birtast skyndilega í steingervingasögunni en ekki stig af stigi eins og þróun gerir ráð fyrir. Það er í samræmi við það sem segir í Biblíunni um að Guð hafi skapað öll dýr. Í Sálmi 146:6 er talað um hann sem „skapara himins og jarðar, hafsins og alls sem þar er“.

Hvenær voru risaeðlur á jörðinni?

 Í Biblíunni er talað um að sjávardýr og landdýr hafi verið sköpuð á fimmta og sjötta degi sköpunarinnar. b (1. Mósebók 1:20–25, 31) Það gefur til kynna að risaeðlur hafi komið fram á sjónarsviðið og verið á jörðinni um langan tíma.

Voru behemót og Levjatan risaeðlur?

 Nei. Þótt það sé ekki hægt að segja með vissu hvaða dýr þetta voru er yfirleitt álitið að behemót sé flóðhestur og Levjatan krókódíll. Það kemur heim og saman við lýsinguna á þeim í Biblíunni. (Jobsbók 40:15–23; 41:1, 14–17, 31) Behemót og Levjatan geta alla vega ekki hafa verið risaeðlur. Guð sagði Job að virða þessi dýr fyrir sér og hann var uppi löngu eftir að risaeðlur hurfu af sjónarsviðinu. – Jobsbók 40:16; 41:8.

Hvað varð um risaeðlurnar?

 Í Biblíunni er hvergi minnst á brotthvarf risaeðlanna. Þar segir hins vegar að allt hafi verið skapað ‚að vilja Guðs‘ þannig að risaeðlurnar þjónuðu ákveðnum tilgangi í sköpun hans. (Opinberunarbókin 4:11) Þegar þeim tilgangi var náð leyfði hann að þær dæju út.