Þú getur sniðið JW Library að þínum þörfum til að geta notið þess enn betur að lesa ritin. Stillingarnar er hægt að nálgast á slánni efst á skjánum þegar þú lest kafla eða grein.

Fylgdu þessum leiðbeiningum til að stilla lestrarviðmótið:

•  Skipta um tungumál

•  Textastillingar

•  Birta sem mynd eða texta

•  Opna í ...

•  Velja biblíuþýðingar

Þú getur skoðað kaflann eða greinina, sem þú ert að lesa, á öðru tungumáli.

• Ýttu á tungumálahnappinn til að sjá á hvaða tungumálum blaðsíðan, sem þú ert að lesa, er fáanleg. Tungumálin, sem þú notar mest, birtast efst á listanum. Þú getur líka leitað í listanum með því að slá inn heiti tungumálsins.

• Ský við hliðina á tungumáli merkir að ritið hefur ekki verið sótt á því tungumáli. Veldu tungumál til að sækja ritið. Þegar ritið hefur verið sótt hverfur skýið. Smelltu aftur á ritið til að lesa það.

Þú getur valið leturstærð sem þér finnst þægilegust til að lesa.

Sumar greinar er hægt að skoða bæði sem mynd og sem texta. Ýttu á viðeigandi hnapp til að skipta á milli.

• Birta sem mynd: Myndin sýnir blaðsíðuna eins og hún birtist á prenti. Sumir kjósa að nota þetta snið fyrir rit eins og söngbókina, en þannig er hægt að sjá nóturnar.

• Birta sem texta: Textasniðið sýnir biblíuvísanir sem krækjur og letrið er af þeirri stærð sem þú hefur valið.

Með því að smella á Opna í ... geturðu skoðað efnið í JW Library í öðrum forritum.

Þegar þú smellir á biblíuvísun í riti birtast versin. Veldu Sérsníða fyrir neðan versin og veldu svo þær biblíur sem þú vilt hafa á listanum.

Sjá greinina „Biblíur – iOS“ fyrir leiðbeiningar um hvernig sé hægt að sækja fleiri biblíur í JW Library.