BHA HA BABEGBE!
2022: Ukpe Nin Ije Rebhe Rẹ Zughu A—Be Baibo Ta Yẹ?
Bhi ukpe 2022, a da wo ha tẹmhọn okhọnlẹn, a bha miẹn rẹ lu, bi emhin idunmhuri kẹkẹ ne sunu nẹga bhi niuz. Baibo, ọle ọkpa tẹmhọn ebezẹle nin ene emhin nan da sunu.
Ebi emhin ne sunu bhi ukpe 2022 mundia nan
Emhin ne sunu bhi ukpe nọn gbera deba emhin ne re mhan rẹọbhọ ghe, ẹghe nin Baibo tiọle “ẹghe ọkike” mhan da nyẹnlẹn. (2 Timothy 3:1) Ukpe 1914 ọne ẹghe nan rẹ munhẹn. Gbẹlokotọ bhi ebi ebe sunu ẹlẹnan nian rẹ diẹn mun ebi Baibo tale rẹji ẹghe nọnsẹmhan nan yẹ:
“Okhọnlẹn.”—Matthew 24:6.
“2022 Hi Ukpe Nin Okhọn Nọn Manman Kaka Rẹ Kie Sunu bhi Otọ Europe.” a
Tie ọne uhọnmhọn-ọta nọn yọle, “Russia Mun Okhọn Bu Ukraine.”
“Ukhunmhun.”—Matthew 24:7.
“2022: Ukpe Nin Ukhunmhun Nọn Bha Sẹ Ka Sunu Khẹ Rẹ Sunu.” b
Tie ọne uhọnmhọn-ọta nọn yọle, “Okhọn Nan Khọn bhi Ukraine Re Ukhunmhun Manman Ha Fi.”
“Emianmhẹn.”—Luke 21:11.
“Emianmhẹn natiọle polio da fikiere, monkeypox da zegbere, sẹyẹ, KOVID-19 yẹ wo gba ije rebhe. Ọnan rẹman ghe emianmhẹn nọn sabọ na obọ otuọnkpa nabhi obọ ọria ọbhebhe imhẹn hiehie, sẹyẹ eria ida sabọ nẹ nin ele.” c
Fẹ ọne uhọnmhọn-ọta ghe nọn yọle, “Itue Ẹbo Ehan Sẹ Yu Ranmhude Emianmhẹn Corona Virus.”
“Emhin ne re ofẹn mun.”—Luke 21:11.
“Ọkhualulu, okale, eranlẹn nọn vẹ nabhi ẹwẹ, bi ologho. A ida yele a okale nọn sunu bhi ukpe 2022, ranmhude ọ wo manman riia emhin an, gbono ẹbho ne bunbun a, yẹ dunmhun uwa ọsi ẹbho ne bunbun an bhi otọ agbọn rebhe.” d
Fẹ ọne uhọnmhọn-ọta ghe nọn yọle “Ọkhualulu Nọn Ki Sunu bhi Otọ Agbọn Rebhe.”
“Olueghe [la, “okhọn bi ozughu”].”—Luke 21:9.
“Ohu nọn re ẹbho ranmhude igho nan bha yẹ miẹn noo, manman nọn, ranmhude emhin nọn ki ha ghan, da re ẹbho ha sọtẹ da ene gbẹloghe bhi ukpe 2022 gbera ọnikhẹ.” e
Fẹ ọne uhọnmhọn-ọta ghe nọn yọle, “Be Baibo Ta Yẹ Rẹji Emhin Nọn Manman Ha Ghan bhi Otọ Agbọn Rebhe?”
Be ukpe nọn vade ha dia yẹ?
Ọria soso ida sabọ wo ta ebe ha sunu bhi 2023. Ebi mhan lẹn hi, bhi ẹghe nọn bha ree gbe nian, Agbejele nọnsi Osẹnobulua, la ejele nọn ribhi ẹgua-okhun dẹ vae dọ fi emhin denọ bhi ọne otọ nan. (Daniel 2:44) Agbejele nọnsi Osẹnobulua dẹ re ọkpẹnlẹn ọbhi ebe si iloya ji ẹbho, yẹ lu ọle nin iho nọnsi Osẹnobulua da sunu bhi ọne otọ nan.—Matthew 6:9, 10.
Dọnmhegbe rẹ re obọ rẹkhan adia nọnsi Jesu Kristi, uwẹ ha yẹ ha gbẹlokotọ nin uwẹ daghe ebi emhin ne sunu ẹlẹnan rẹ mun ọta akhasẹ ne ribhi Baibo sẹ yẹ. (Mark 13:37) Uwẹ dẹ sabọ gbẹn ji mhan nin uwẹ rẹ manman lẹn otọ ebi Biabo ha rẹ sabọ rẹkpa uwẹ yẹ nian, bi ebi ọ ha rẹ sabọ rẹkpa uwẹ bi azagba-uwa nọnsẹ yẹ rẹ ha mhọn ikhuaẹloghe ọsaje rẹji ẹghe odalo.
a AP News, “2022 Was Year the Horror of War Returned to Europe,” (2022 Hi Ukpe Nin Okhọnlẹn Rẹ Fikiere bhi Otọ Europe) nin Jill Lawless gbẹn, ọsi December 8, 2022.
b World Food Programme “A Global Food Crises.” (Ukhunmhun Nọn Sunu bhi Otọ Agbọn Rebhe)
c JAMA Health Forum, “Living in an Age of Pandemics—From KOVID-19 to Monkeypox, Polio, bi Disease X,” (Ebi Ọ Dia Yẹ Nan Rẹ Ha Nyẹnlẹn bhi Ẹghe Emianmhẹn—Rẹ Na Emianmhẹn KOVID-19 Nabhi Monkeypox, Polio, bi Disease X) nin Lawrence O. Gostin, JD gbẹn, ọsi Sẹtẹmba 22, 2022.
d Earth.Org, “What’s Behind the Record-Breaking Extreme Weather Events of Summer 2022?” (Bezẹle nin Ọkhualulu Nan Bha Sẹ Ka Miẹn Khẹ Da Sunu bhi Ukpe 2022?) nin Martina Igini gbẹn, ọsi Ọtoba 24, 2022.
e Carnegie Endowment for International Peace, “Economic Anger Dominated Global Protests in 2022,” (Igho Nan Bha Miẹn Ha Noo Si Isọtẹ Nọn Sunu bhi Ukpe 2022) nin Thomas Carothers bi Benjamin Feldman gbẹn, ọsi Dizẹmba 8, 2022.
Emhin Ebhebhe Ne Ha Yẹ Ti Uwẹ Bhọ
ESSENTIAL BIBLE TEACHINGS
Be Bhọ Agbejele Nọnsi Osẹnobulua?
Agbejele nọnsi Osẹnobulua, ọle Jesu tẹmhọnlẹn nẹ bhi ẹghe nin ọle rẹ ha ribhi ọne otọ nan. Bhi ikpe ne bunbun nian, ẹbho bhii nin ọne Agbejele vae.
IMAN-EMHIN KPATAKI NE RIBHI ẸKẸ IBAIBO
Ukpe 1914 Agbejele Nọnsi Osẹnobulua Munhẹn Ha Gbẹloghe
Bhi ukpe 2,600 ne gbere, Osẹnobulua da noo ẹbhohie rẹ re akhasẹ man ojie ọkpa nọn manman mhọn ahu. Ọne akhasẹ wo ha munsẹ ẹlẹnan.
ẸMHỌN MHAN
Gbẹn Ebe Re Nin Esali Jehova Dọ Ha Man Uwẹ iBaibo
Deba Esali Jehova zilo bhi Baibo la uwẹ ha noo emhanmhan nọn ribhi jw.org nin ọria rẹ tobọle man egbe ọle Baibo.
