Otu nọn mhọn obọ bhi ikhunmhun nan re nin ene khọnmhọn bhi otọ agbọn rebhe, natiọle World Health Organization (WHO) yọle ghe, rẹ sẹbhi Mee 23, 2022, itue uli bhi ijan 270 nyan ẹbo 6, ele sẹ yuno bhi emianmhẹn COVID-19. Sokpan niuz ọkpa nan re dagbare bhi Mee 5, 2022, yọle ghe WHO tale ghe, ene yu bhi ọne emianmhẹn manman gbera iriọ. Ọne niuz da yọle ghe, “ẹbho nin emianmhẹn corona virus gbono a, la nin ọne emianmhẹn si emhin nọn gbono ele bhi ukpe 2020 bi 2021 dẹ sẹbhi . . . uli bhi ijan iyisẹn 9 nyan ẹbo 14.” Baibo be ka tale ghe emhin nọn dia iriọ dẹ sunu?

•   Jesu tale ghe emianmhẹn, la “emianmhẹn ne kaka” dẹ ha sunu bhi ẹghe natiọle “ẹghe ọkike.”—Luke 21:11, Contemporary English Version; 2 Timothy 3:1.

 Ebi Jesu tale wo sunu ẹlẹnan nian. Nin uwẹ rẹ luẹ ba ọnan, tie ọne uhọnmhọn-ọta nọn yọle “What Is the Sign of ‘the Last Days,’ or ‘End Times’?” (Be Hi Iyaman Nin A Ha Rẹ Lẹn “Ẹghe Ọkike”?)

•   “Osẹnobulua nan na bhi obọ ọle miẹn ikoudure . . . ko mhan udu re bhi ekpokpo nin mhan hi ki rẹ ha ye.”—2 Corinthians 1:3, 4.

 Baibo sẹ wo re ikoudure nin ẹbho ne bunbun nin ọria nọnsele yu. Nin uwẹ rẹ luẹ ba ọnan tie ene uhọnmhọn-ọta nan ne yọle: “Coping With Grief—What You Can Do Today” bi “The Best Help for Those Who Grieve.” (Ebi Uwẹ Ha Rẹ Sabọ Ziẹngbe Akhiẹ Yẹ Ẹlẹnan bi Ibhude Nọn Ha Sabọ Rẹkpa Ene Lu Akhiẹ)

•   “Ji Agbejele nọnsẹ vae. Ji iho nọnsẹ ha sunu bhi ọne otọ nan, beji ọ rẹ ha sunu bhi okhun.”—Matthew 6:10.

 Bhi ẹghe nọn bha ree gbe nian “Agbejele nọnsi Osẹnobulua” ki lu ọle beji a ha da miẹn ghe a “ida miẹn ọnọn nyẹnlẹn bhi enin nọn ha yọle: “Imẹn khọnmhọn.” (Mark 1:14, 15; Isaiah 33:24) Ghe ọne ividio natiọle Bebhọ Agbejele Nọnsi Osẹnobulua? nin uwẹ rẹ lẹn ebi ọne Agbejele khin bi ebi ọ ha lu nin eria.

 Mhan guanọ nin uwẹ luẹ ba ebi Baibo tale, beji a ha da miẹn ghe uwẹ bi azagba-uwa nọnsẹ ki sabọ miẹn elele bhi adia ne gbale bi ive ne mhẹn an ne ribhọ.