Bhi Mee 19, 2022, ẹbho ne bun sẹbhi 75 ne ribhi ihe da taman United Nations Security Council ghe, “ranmhude emianmhẹn COVID-19 bi emhin udunmhuri kẹkẹ ne ha sunu bhi agbaẹbho kẹkẹ, ẹbho ne bunbun bha yẹ miẹn ebale le. Sẹyẹ, ranmhude okhọn nan khọn bhi Ukraine, ukhunmhun ki wo fi bhi agbaẹbho ne bunbun.” Sẹyẹ, ọ bha sẹ bu egbe, usun natiọle The Economist da yọle ghe, “okhọn nan khọn bhi Ukraine dẹ wo re ẹbho ne bunbun yuno ranmhude ukhunmhun nin ọne okhọn ha sire.” Ọkpakinọn, Baibo ka tale khẹ ghe, bhi ẹghe ọkike nin mhan da nyẹnlẹn nan, ukhunmhun dẹ ha ribhọ. Sẹyẹ, ọ da yẹ tẹmhọn ebi ha sabọ rẹkpa mhan ziẹngbe.

•   Jesu yọle: “Agbaẹbho ki ha mun okhọn ji agbaẹbho, agbejele ki ha mun okhọn ji agbejele. Ukhunmhun ki ha fi.”—Matthew 24:7.

•   Ebe ọsi Revelation bhi Baibo da tẹmhọn ikpea enẹn ne ha hẹn akasi. Ọkpa bhi ene akasi mundia nin okhọnlẹn. Ọbhebhe da rẹkhan ọlẹn nọn mundia nin ukhunmhun, ẹghe nan ha re miẹn ghe, a bha yẹ manman miẹn ebale. Ọ da yọle: “Mẹn da daghe akasi nọn bhihi, ọnọn dotua bhọ da re ebi a rẹ mhaan emhin mhọn bhi obọ. Mẹn da họn emhin nọn diabe ururu . . . yọle: ‘Ukpu nọn khere nẹ ọsi wheat ki ha yi de·narʹi·us ọkpa, ea bhi ukpu nọn khere nẹ ọsi barley ki ha yi de·narʹi·us ọkpa.’”—Revelation 6:5, 6, Contemporary English Version.

 Ọne ọta akhasẹ nan rẹji ukhunmhun wo ha munsẹ bhi ọne ẹghe nan nin Baibo tiọle “ẹghe ọkike” ọsi ọne agbọn nan. (2 Timothy 3:1) Nin uwẹ rẹ luẹ ebi Baibo tale rẹji “ẹghe ọkike” ọsi ọne agbọn nan, bi ikpea enẹn ne ha hẹn akasi nan tẹmhọnlẹn bhi ebe ọsi Revelation, ghe ọne vidio natiọle Ọne Agbọn Nan Wo Fidenọ Rẹ Na bhi Ukpe 1914 Ha Vade, Uwẹ ha yẹ tie ọne uhọnmhọn-ọta nọn yọle “The Four Horsemen—Who Are They?” (Ene Ikpea Enẹn Ne Ha Hẹn Akasi—Hela Ele Khin?)

•   Adia ne bunbun ribhi Baibo ne ha sabọ rẹkpa mhan bhi idia nin mhan ye. Idia bii ukhunmhun nọn ha fi bi emhin nọn manman ha ghan. Fẹ ijiẹmhin eso bhi ọne uhọnmhọn-ọta nọn yọle “How to Live on Less.” (Ebe Ha Sabọ Rẹkpa Uwẹ Sade Uwẹ Manman Mhọn Emhin)

•   Baibo yẹ re ikhuaẹloghe nin mhan ghe, ẹghe odalo nọnsẹmhan dẹ ha mhẹn. Ọ da ve nin mhan ghe, bhi ẹghe odalo “Ebale dẹ manman vuọn ọne otọ nan; Ọ dẹ kpọfiara a bhi uke oke.” Ẹghenin ọrebhe ki ha mhọn ebale nọn bunbun nin ọle ha le. (Psalm 72:16) Nin uwẹ rẹ lue ẹmhọn ive ne ribhi Baibo rẹji ẹghe odalo, bi ebezẹle nin uwẹ ha da sabọ reọbhi ene ive, tie ọne uhọnmhọn-ọta nọn yọle “A Real Hope for a Better Tomorrow.” (Ikhuaẹloghe Ọsaje Rẹji Ẹghe Odalo)