Adia ne mhẹn nẹ rẹji uwedẹ nọn khẹke nin mhan rẹ ha nyẹnlẹn ribhi Baibo. Ahamiẹn uwẹ tie iBaibo ẹghe rebhe, ria eria nyan ọlẹn, yẹ re obọ rẹkhan ebi uwẹ luẹ bhọ, “iẹnlẹn nọnsẹ ki kiọnlẹn.” (Joshua 1:8; Psalm 1:​1-3) Uwẹ ki sabọ yẹ dọ lẹn Osẹnobulua bi Ọmọn nọnsọle nin Jesu. Ọne ilẹnmhin dẹ sabọ re umiẹnfan nin uwẹ.​​—⁠John 17:⁠3.

Uwedẹ nela uwẹ ha rẹ ha tie iBaibo? Uwedẹ ne bunbun ribhọ. Ọne emhanmhan nan rẹ tie iBaibo nọn ribhi otọle, dẹ rẹkpa uwẹ rẹ sabọ ha tie ebe kẹkẹ ne ribhi Baibo ọsegbe-ọsegbe, la ha zẹ uhọnmhọn-ọta kẹkẹ nin uwẹ ha tie. Bhi ọsi ijiẹmhin, uwẹ sabọ rẹ tie eje eso ne tẹmhọn uwedẹ nin Jehova rẹ ne ibhokhan Izrẹl lu emhin bhi ẹghe ẹdẹlẹ. Uwẹ sabọ rẹ tie eje eso ebhebhe nin uwẹ rẹ lẹn ebi a rẹ mun agbotu gbọ yẹ bhi ore nin ọhẹnhẹn, bi ebi ọ rẹ dọ tuẹn okhun yẹ. Ahamiẹn uwẹ tie uhọnmhọnlẹn eso bhi Baibo ukpẹdẹ-ukpedẹ, uwẹ dẹ sabọ tiọle fo bhi ẹkẹ ukpe ọkpa.

Ahamiẹn uwẹ guanọ emhanmhan nọn ha rẹkpa uwẹ rẹ ha tie iBaibo ukpẹdẹ-ukpẹdẹ, la ọnọn ha rẹkpa uwẹ rẹ sabọ tie ọle fo bhi ukpe ọkpa, la emhanmhan ọsi ene ho ne munhẹn ha tie iBaibo, ọne ebe emhanmhan nan dẹ rẹkpa uwẹ. Danlodi ọne ebe emhanmhan nan rẹ tie iBaibo, uwẹ ha munhẹn ẹlẹnan. Uwẹ dẹ sabọ print ọle.