Mak 16:1-8
-
A riọ Jesu kpanọ (1-8)
16 A ki lu Sabati fo, Meri Madalin, Meri nin inẹn Jemis, bi Salomi da dọ dẹ emhin nọn vin-ohin, nin ele ha rẹ gbo ekuegbe nọnsi Jesu.
2 Bhi ọsewewiẹ bhi ukpẹdẹ ọhẹnhẹn bhi ọne uzana,* beji oẹnlẹn wo ha hẹnre, ele da sẹbhi ọne idin.
3 Ele da ha nọọn egbe ele yọle: “Họla ha rẹkpa imhan wẹnẹ udo nọn ribhi unun ọsi ọne idin sibhọre?”
4 Ọkpakinọn, ele ki khua ẹlo okhun, ele da daghe ọle ghe, a wẹnẹ ọne udo sibhi enin re fo, arẹmiẹn ọne udo wo manman kpọnọ.
5 Ele ki nabhi ẹkẹ eji a da re ọle tọ, ele da miẹn okpea ọkpa nọn yọ ukpọn nọn fua, nọn dotua bhi obera ọsi ọne idin. Ọnan da wo re iziziko mun ele.
6 Ọne okpea da taman ele yọle: “Bha hẹi ji ofẹn mun bha. Imẹn lẹnmhin ghe Jesu nin obhi Nazarẹt nan gbe a bhi okhun oran ọle ibha guanọ. A riọ ọle kpanọ bhi uu. Ọle iribhi enan. Ghe eji ekuegbe nọnsọle rẹ ha yẹ.
7 Ibha ha khian dọ taman Pita bi edibo nesọle, ‘Ọle khian Galili, ibha dẹ ka ọle re bhi enin beji ọle taman ibha.’”
8 Ele ki dagbare, ele da nẹ sibhi ọne idin re. Oriri da gbe kuọ ele. Ele bha ne ọria soso talọ, ranmhude, ofẹn da wo manman ha mun ele.*
Eba gbẹn bho otọle
^ Ẹdẹ Sọnde khọnan.
^ Beji ebe ẹdẹlẹ eso nan rẹ zedu Baibo rẹman, ulọnlẹn nọnzi 8 ebe nọnsi Mak da sotọ. Fẹ Ebi A Gbẹn Ba Ọle Nọnzi A3.
