ILUẸMHIN 16
Ta Ọta Izebhudu bi Ọta Nọn Ha Bọn Eria Okhun
Job 16:5
EBI UWẸ HA LU: Emhin ne ha re emhin ha mhẹn ọbhọ, bi emhin ne ha re ene uwẹ ne talọ ha dọnmhegbe nin ele rẹ re obọ rẹkhan ebi uwẹ ta, ele uwẹ ha manman talọ nyan.
EBI A RẸ LU ỌLE YẸ:
-
Ha re ẹlo nọn mhẹn ghe ene uwẹ ne talọ. Rẹọbhọ ghe, ibhio ẹ bhi ẹkẹ oga gene guanọ nin ele lu emhin ne ti Jehova bhọ. Aharẹmiẹn uwẹ dẹ re ebi uwẹ ta dia ele ọbhi uwedẹ, ka manman re ọkhọ rebhe khuẹnmhẹn ele fo bhi eji ele da ha lu nọnsẹn.
-
Hẹi ha talọ gbe nyan emhin ne ibọn ọria okhun. Uwẹ sabọ rẹ sounun bhi ije khọ bhi ehọ bhi ẹkẹ ọta nin uwẹ rẹman, sade uwẹ mhọn emhin nin uwẹ ho nin uwẹ re ọle man. Ọkpakinọn, jamiẹn ghe, eji ọne ọta da mhẹn bhi ehọ, emhin ne bọn ọria okhun, ele uwẹ manman denọ ẹlo da.
-
Manman noo iBaibo nọnsẹn. Re emhin nin Jehova sẹ lu nin agbọn man, ebi ọle lu nian, bi emhin nin ọle ha lu bhi ẹghe odalo. Re ene uwẹ ne talọ ha mhọn ikoudure bi ikhuaẹloghe.
