Muegbe nọnsẹn. Ria eria nyan ebezẹle nan da gbẹn ebe nin uwẹ ho nin uwẹ tie. Luẹ ebi a re tie usun ikpọta kugbe yẹ, ọiyi ikpọta ọkpa-ọkpa. Gbẹlokotọ nin uwẹ hẹi dobọ re ikpọta ba ikpọta ne ribhi ebe, la san gbera ikpọta eso, la re ikpọta ọkpa ọbhi ihe ọsi ikpọta ọbhebhe. Gbẹlokotọ bhi iyaman rebhe nan rẹ tie ebe ne ribhi ọne ebe.

Tie ikpọta kẹkẹ nọnsẹn. Ahamiẹn ikpọta ribhọ nin uwẹ bha sabọ tie bhi ẹkẹ ebe nin uwẹ tie, kaehọ ọne a khue nọn ribhọ, la, uwẹ ha taman ọria nọn guẹ rẹ tie ebe nọnsẹn nin ọle rẹkpa uwẹ.

Ji ebi uwẹ ta khiakhia bhi ehọ. Gbẹlokotọ rẹ tie ikpọta rebhe beji ọkhẹke. Mun uhọnmhọn okhun, yẹ taan unun an nọnsẹn sade uwẹ tie ebe. Dọnmhegbe nin uwẹ rẹ tie ikpebe kẹkẹ kugbe bhi ẹkẹ ikpọta beji ọ khẹke.