MUNHẸN NE ỌRIA HA ZILO
ILUẸMHIN 5
Ha Mun Ekpẹn Nin Ẹbho
Ebi Baibo Ta Yẹ: “Bha re ekpẹn-ekpẹn ha talọ.”—Kol. 4:6.
Ijiẹmhin Ọsi Pọl
1. Ghe ọne IVIDIO, la uwẹ ha tie Iwẹnna 17:22, 23. Uwẹ ha lu iriọ fo, re ewanniẹn ọbhi ene inọnta ne ribhi otọle.
-
Be ọ dia Pọl bhi egbe yẹ, ẹghe nin ọle rẹ daghe ọle ghe, ẹbho manman wo ga ẹbọ bhi Atẹns?—Fẹ Iwẹnna 17:16 ghe.
-
Pọl bha re unun riia ibhokhan Atẹns a, sokpan, ọle da re ebi ele rẹọ i rẹ tẹmhọn Osẹnobulua man ele. Be ọle rẹ re ekpẹn-ekpẹn lu ọnan yẹ?
Be Imhan Luẹ Bhi Obọ Pọl?
2. Ẹbho dẹ ka mhan ehọ sade mhan rẹ ẹwanlẹn zẹ ebi mhan ha ta, sade mhan re ekpẹn-ekpẹn tale, bi sade mhan tale bhi ẹghe nọn khẹke.
Ebi Mhan Ha Rẹ Re Egbe Khọkhọ Pọl Yẹ
3. Re ẹwanlẹn zẹ ebi uwẹ ha ta. Bhi ọsi ijiẹmhin, ahamiẹn uwẹ ho nin uwẹ tie Baibo man ọria nọn iyi Kristiẹn, uwẹ sabọ rẹ re uwedẹ ọbhebhe sounun ọbhi eji uwẹ ho nin uwẹ tie bhi Baibo. Sẹyẹ, noo ẹwanlẹn rẹ lẹn ebi uwẹ ha tie Jesu le.
4. Ahamiẹn ọria ta ebe bha gba, hẹi gbe ọta ọle bhi unun. Re ẹghe nin ọne ọria rẹ ta ebe ri ọle bhi ọkhọle. Aharẹmiẹn ebi ọle ta bha diẹn mun ebi Baibo tale, hẹi nanlẹn ha gbugan. (Jem. 1:19) Ahamiẹn uwẹ ka ọne ọria ehọ nọnsẹn, uwẹ dẹ sabọ lẹn otọ ebi ọle rẹọ i, bi ebezẹle nin ọle da rẹọ bhi emhin nọn sẹ iriọ.—Prov. 20:5.
5. Bhi eji ọ da khẹke, re obọ ba ebi ọne ọria tale, uwẹ ha yẹ khuẹnmhẹn ọlẹn. Ọle sabọ rẹ re ọkhọle rebhe rẹọbhọ ghe, iman-emhin ọsi otuẹ nọnsọle wo gba. Ka re emhin nin uwẹ bi ọle ko rẹọ i rẹ munhẹn ne ọle ha zilo, uwẹ kuẹ fẹkẹ rẹkpa ọle lẹn ebi Baibo tale.
YẸ FẸ ENE BAIBO NAN GHE
Prov. 25:15; 2 Tim. 2:23-26; 1 Pita 3:15
