AFIKIE YO
ILUẸMHIN 7
Rẹtẹ
Ebi Baibo Ta Yẹ: “Ele da ha man emhin, . . . ele da yẹ ha ta ọne ọta nọn mhẹn rẹji Jesu Kristi. Ele bha zobọ bhọ.”—Iwẹnna 5:42.
Ijiẹmhin Ọsi Pọl
1. Ghe ọne IVIDIO, la uwẹ ha tie Iwẹnna 19:8-10. Uwẹ ha lu iriọ fo, re ewanniẹn ọbhi ene inọnta ne ribhi otọle.
Be Imhan Luẹ Bhi Obọ Pọl?
2. Nin mhan rẹ sabọ fikie bu ẹbho yẹ dọ ha man ele Baibo, mhan dẹ noo ẹghe bi ahu nọnsẹmhan.
Ebi Mhan Ha Rẹ Re Egbe Khọkhọ Pọl Yẹ
3. Fikie bu ọne ọria bhi ẹghe nin ọle ha rẹ miẹn otọ. Nọọn egbe ẹ: ‘Ẹghela mẹn ha rẹ kie sabọ miẹn ọne ọria ne zilo? Ejela mẹn ha da miẹn ọlẹn? Ẹghela ọle ha rẹ miẹn otọ?’ Dọnmhegbe nin uwẹ bi ọne ọria rẹ ko zilo bhi ẹghe nin ọle tale, aharẹmiẹn ọ iyi ẹghe nọn yẹẹ uwẹ nẹ.
4. Deba ọne ọria mhanmhan ẹghe nin uwẹ ha rẹ kie vae. Ẹghe nọn hi ki rẹ khin nin uwẹ bi ọne ọria rẹ ko zilo fo, deba ọle mhanmhan ẹghe nin uwẹ ha rẹ gbo kie vae. Dọnmhegbe nin uwẹ rẹ fikie bu ọle re bhi ọne ẹghe nin bha ko mhanmhan.
5. Hẹi ji egbe lọ ẹ. Ahamiẹn uwẹ ikẹ miẹn ọne ọria bhi uwa, la ẹghe-ẹghe ọle rẹ mhọn ẹsọn bhi obọ, hẹi ha riale ghe ọle bha muegbe nin ọle rẹ kaehọ. (1 Kọr. 13:4, 7) Lẹn ẹghe nin uwẹ ha rẹ ha rẹnẹ ji ọle nin uwẹ hẹi dọ ha riia ẹghe a.—1 Kọr. 9:26.
