Be iho nọnsi Osẹnobulua?
Osẹnobulua ho nin mhan nyẹnlẹn bhi otọ ọfubhegbe bhi ẹkẹ ọfure bi eghọnghọn bhi ighegheghe!
Ọsabọ han uwẹ ilo, ‘Be ọnan arẹ sabọ sunu yẹ?’ IBaibo taman mhan ghe Agbejele nọnsi Osẹnobulua dẹ sabọ mun ọnan re. Ọnan zẹle nin Osẹnobulua da ho nin eria rebhe luẹ ẹmhọn ọnin Agbejele bi iho nọnsọle rẹji mhan nin eria.—Psalm 37:11, 29; Isaiah 9:7.
Osẹnobulua ho nin iẹnlẹn mhan ha mhẹn.
Beji aba nọn mhẹn rẹ guanọ ebe mhẹn nin imọn nesọle, iriọ aba mhan nọn ribhi ẹgua okhun rẹ ho nin ọrebhe nyẹnlẹn bhi ẹkẹ eghọnghọn bhi ighegheghe. (Isaiah 48:17, 18) Ọle vive ghe ‘ọnọn lu iho nọnsi Osẹnobulua dẹ nyẹn bhi ighegheghe.’—1 John 2:17.
Osẹnobulua ho nin mhan dọ ha khian bhi uwedẹ nọnsọle.
IBaibo tale ghe ọnọn man mhan ho nọn ‘man mhan uwedẹ nọnsọle’ nin mhan da sabọ ‘khian rẹkhan ọle.’ (Isaiah 2:2, 3) Ọle mhọn ẹbho ne noo elin nọnsọle. Ele ri iho nọnsọle man bhi otọ agbọn rebhe.—Acts 15:14.
Osẹnobulua ho nin mhan dọ kugbe bhi ẹkẹ oga nọnsọle.
Oga nọnsi Osẹnobulua ku ẹbho gbe bhi ẹkẹ ahoẹmhọn-egbe ọsi ẹmhọn-ata, ọi wani ẹbho a. (John 13:35) He bhọ man ẹbho rebhe ebi ele arẹ kugbe bhi ẹkẹ oga nọnsi Osẹnobulua yẹ? Guanọ ewaniẹn rẹji ọnin inọnta nin bhi ẹkẹ ọnin ebe nan.
Emhin Ebhebhe Ne Ha Yẹ Ti Uwẹ Bhọ
ẸMHỌN MHAN
Be Sunu bhi Iluẹmhin IBaibo?
Bhi otọ agbọn rebhe, a lẹn Esali Jehova ọbhi iBaibo nin ele man ẹbho ele ọsọhẹ. Fẹ ebi ele rẹ lu ọle yẹ.
ẸMHỌN MHAN
Bezẹle Aluẹ IBaibo?
IBaibo miẹkpa ẹbho nebun bun bhagbọn rebhe rẹ mie ewan-niẹn rẹji idede inọnta bhẹ mhọn iẹnlẹn. Ọdẹi yẹẹ rẹha yọ ọso bhọ?
