Ẹbho ne bunbun iyẹ ka yi otuẹ ranmhude, ebha miẹn ewaniẹn rẹji inọnta ne bunbun nele mhọn. Be kizẹ nuwẹ ada yi ikolo oga ọsi Esali Jehova? Be uwẹ ha luẹ bhi enin?

Eghọnghọn nuwẹ ha miẹn bhi ẹwẹ ẹbho ne hoẹmhọn ẹn. Bhi ore nin ọhẹnhẹn, ene ga Osẹnobulua da ha mhọn agbotu, eki ha do ikolo oga rẹ ha gẹn Osẹnobulua, eki ha luẹ iBaibo, bi eki ha ri isudu nin egbe. (Hebrews 10:24, 25) Ne rẹ ha mhọn ahoẹmhọn-egbe, eda kiẹn imọẹ ọsi esili—eda kin ibhio bhi ẹkẹ oga. (2 Thessalonians 1:3; 3 John 14) Oẹ nele zẹle mhan rẹkhan. Mhan yẹ mhọn eghọnghọn nele ha mhọnlen.

Elele nan miẹn sade mhan rẹkhan uhi nọn ribhi Baibo. Beji ọha ye bhi ẹghe iBaibo, ikpea, ikhuo bi ibhokhan ko ga kugbe. Ene man emhin bhi ẹkẹ oga rẹkpa mhan rẹ rẹkhan uhi nọn ribhi Baibo. (Deuteronomy 31:12; Nehemiah 8:8) Ọrebhe sabọ deba bhi illo nan so bi izilo. Enan rẹkpa mhan rẹ ri urẹọbhọ nọnsẹ mhan man.—Hebrews 10:23.

Erọnmhọn nuwẹ ha miẹn sade uwẹ mun urẹọbhọ nọnsẹ ziẹn. Pọlu, odibo nọnsi Jesu, da taman agbotu ọkpa, bhi ẹghe nọnsọle: ‘Ẹlo bha nyan mhẹn, . . . nin mhan ri urẹọbhọ nọnsẹ mhan rẹ ze egbe udu.’ (Romans 1:11, 12) Nin mhan rẹ ko miẹn egbe bhi ikolo oga ẹghe rebhe, ọle ri urẹọbhọ nọnsẹ mhan deziẹn. Ọle sẹyẹ rẹkpa mhan rẹ situa bhi unyẹnmhin ọsi Kristiẹn.

Dọnmhegbe nuwẹ rẹ yo ikolo oga nọnsẹ mhan bhi uzana nọn vade, nuwẹ da tobọ ẹ miẹn enin emhin nan. Mhan ri egbe rebhe rẹ tie ẹ. Ọsọhẹ nọn, mhan imiẹn igho bhọ.

• Ebhọ ikolo ga nọn sẹmhan ri egbe khọkhọ?

• Elele bea mhan miẹn bhọ sade mhan yo ikolo oga?