Illo, erọnmhọn bi izilo nyan iBaibo nan tiele, ele arẹ ha do ikolo oga ọsi Kristiẹn bhi ore nin ọhẹnhẹn. (1 Corinthians 14:26) Iriọ yẹ nọn bhi ikolo oga ọsi Kristiẹn ẹlẹnan.

Uhi nọn ribhi ẹkẹ iBaibo nọn rẹkpa mhan, ọle aluẹ bhi enin. Ẹdẹ uzana, agbotu kikẹ do ikolo ne rẹ kaehọ ọta ogbakha nan ri ihuẹnlo 30 ta bhi ẹkẹ iBaibo nọn rẹsui iẹnlẹn nọnsẹ mhan bhi ejayenan. Mhan taan iBaibo a sade a tie ọle. Ọnin aki fo, aki lu izilo ọsi inonta bi ewaniẹn bhi ebe natiọle The Watchtower. Ọnin ikolo ọsi uriagogo ọkpa nan hi Iluẹmhin ọsi Watchtower. Uwẹ sabọ talọ ọbhọ sade ọghọn ẹn. Ọnin izilo nan rẹkpa mhan rẹ ri ebi mhan luẹ bhi Baibo rẹ nyẹnlẹn. Emhin ọkpa a luẹ bhi agbotu sẹmhan rebhe nọn gbera 115,000.

Ọrẹkpa mhan rẹ luẹ ebi arẹ man ẹbho emhin yẹ. Mhan yẹ mhọn ikolo nin mhan do bhi ẹkẹ uzana nọn mhọn obọ ea. Ọnin ikolo ọsi ọhẹnhẹn nan ri ihuẹnlo 30 lu nan tie Iluẹmhin iBaibo Ọsi Agbotu rẹkpa mhan rẹ lẹn akhasẹ bi uhi nọn ribhi ẹkẹ iBaibo. Izilo nyan iBaibo nan ka nin uwa muegbe ọle re, mhan rẹ mun obọ nọn zeva hẹn nan ri ihuẹnlo 30 lu. Ọnan tie ọle Isikulu Oga. Ene luẹ bhi ọnin isikulu ki ri ota nan re nele man. Aki lu ọnan fo, ọnọn sun ọnin ikolo nan ki talọ ọbhọ. Ọnan rẹkpa mhan rẹ luẹ ebarẹ tie ebe yẹ bi ebarẹ man ẹbho emhin yẹ. (1 Timothy 4:13) Bhi obọ nọn zea natiọle Ikolo Iluẹmhin Itẹmhọn Osẹnobulua nan ri ihuẹnlo 30 lu, ọta nin mhan ka ehọ ọle, urẹman bi igua ọta ọria bhi unun rẹkpa mhan rẹ luẹ ebarẹ man ẹbho iBaibo yẹ.

Uwẹ ha yo ọnin ikolo oga sẹmhan, ebi uwẹ ha luẹ bhi Baibo dẹ yẹẹ ẹ gbe.—Isaiah 54:13.

• Be uwẹ a luẹ bhi ikolo oga ọsi Esali Jehova?

• Ikolo oga nọnsẹ mhan nela uwẹ ho nuwẹ yo bhi uzana?