Amẹn arẹ ha rọ la ovuẹn arẹ ha zẹ, mhan situa nin mhan rẹ ha yo ikolo oga. Bezẹle nin Esali Jehova da situa ne rẹ ha nin enin ele ko ga mun obọ arẹmiẹn ele mhọn ọbalọ bhi iẹnlẹn la egbe lọmhẹn bhi iwẹnna ukpẹdẹ?

Ọmhẹn nọnsẹ mhan nọn. ‘Bha ha ria ne egbe,’ iriọ Pọlu gbẹn, ẹghe nọnle rẹ a tẹmhọn ẹbho nin mhan ko mun obọ bhi ẹkẹ agbotu. (Hebrews 10:24) Ọnin ọta nan rẹman ghe ọmhẹnmhin nin mhan rẹ manman lẹn egbe mhan. Ẹmhọn ọsi ọnin odibo nan rẹkpa mhan rẹ ha mhọn ẹmhọn ibo mhan bhi ọkhọe. Mhan ha sikẹ ibhio mhan nin mhan ko ga, mhan ki kere ghe ele mhọn obalọ bhi egbe ne sabọ ziengbe ọle. Ọnan dẹ rẹkpa mhan rẹ lẹn ebi mhan yẹ lu sade mhan ribhi ọbalọ nọn dia iriọ.

Ọrẹkpa mhan rẹ ziẹn ikolu. Imhan bi enin mhan ko ga ko mhọn ikolu nọn dinmhin. Ẹghe eso, mhan ri ẹghe ọbhi otọ nin mhan rẹ ri egbe re ahoho. Elele nea ribhi ọnin ikokhian nan? Ọrẹkpa mhan rẹ kie lẹn ibhio mhan dinmhin, ọnan re ahu nin ahoẹmhọn-egbe nọnsẹ mhan. Nin mhan rẹ ko lu kugbe, mhan sabọ rẹkpa egbe sade mhan ribhi ọbalọ. (Proverbs 17:17) Nin mhan rẹ deba ibhio mhan rebhe ko ga kugbe, mhan rẹman ghe ‘ẹmhọn egbe mhan san tuẹ mhan.’—1 Corinthians 12:25, 26.

Mhan bhii ẹ nu ha mhọn ene lu iho nọnsi Osẹnobulua bhi imọẹ. Uwẹ dẹ sabọ miẹn ikolu nọnsẹ inian bhi ẹwẹ Esali Jehova. Huẹan, hẹi ja miẹn ebe ha zẹ uwẹ bha nin mhan mun obọ.

• Elele be mhan miẹn bhọ sade mhan ga kugbe?

• Ẹghe ọa rẹ yẹẹ nu rẹ dọ lẹn ẹmhọn agbotu mhan?