Uwẹ ho nuwẹ guanọ otọ emhin eso nọn ha rẹkpa ẹ tuẹn ilẹnmhin nọnsi Baibo nọnsẹ okhun? Uwẹ mhọn inọnta rẹji ọria, ẹbho la ebọ irẹkhin nuwẹ tiele bhi ẹkẹ iBaibo? La uwẹ riale si Baibo dẹ sabọ rẹkpa ẹ bhi iẹnlẹn nọnsẹ? Dọ fẹ eji ane ebe i bhi Kindọn Họọ ghe.

Ebe kikẹ nanrẹ lẹn otọ emhin ribhi enin. Asabọ miẹn uwẹ imhọn ebe nin Esali Jehova gbẹn dagbare bhi Baibo bhi urolo nọnse. Ọrẹ yiriọ, eji ane ebe i bhi Kindọn Họọ mhọn ebe ne bunbun nea rẹkpa ẹ. IBaibo nan re urolo kikẹ gbẹn, ebe nanrẹ fẹ ẹmhọn ghe bi ebe ebhebhe nan gbẹn ne a rẹkpa ẹ sabọ ha ribhi enin. Uwẹ sabọ noo ọnin eja hẹi ebe i nan akuẹ mun ikolo hẹn la sade a zobọ bhi ikolo. Ahamiẹn ikọnputa ribhọ, ọsabọ ha mhọn emhin bhi ẹkẹ ọle nan tiọle Watchtower Library. Ọnin Watchtower Library nan mhọn ebe nin mhan gbẹn kikẹ bi ebe lẹkhẹ nọn a rẹkpa ẹ rẹ lẹn otọ uhọmhọn-ọta, ukpọta, la ebi uwẹ tie bhi ẹkẹ iBaibo.

Ọsabọ rẹkpa ene ribhi Isikulu Oga. Uwẹ ha deba bhi ọnin isikulu nan, uwẹ a sabọ noo eji a ne ebe i bhi Kindọn Họọ sade uwẹ muegbe uhọnmhọn-ọta nan re niẹn nuwẹ zilo ọ. Ọnọn sun ọnin iluẹmhin nan, ọle gbẹloghe eja ne ebe ọ. Obọ ọle ọye nanrẹ miẹn ebe ọgbọn rebhe ribhi enin bi nanrẹ mhanmhan ọle nọnsẹn. Ọnọn sun ọnin isikulu oga nan, la ọnọn luẹ uwẹ iBaibo sabọ rẹkpa ẹ guanọ ebọ irẹkhin nuwẹ guanọ. Arẹmiẹn iriọ, hẹi re ebe soso kpanọ bhi ẹkẹ Kindọn Họọ. Ọkhẹke nin mhan re obọ nọn lẹkhẹ mun enin ebe nan, hẹi ri iyaman ọbhọ.

Baibo taman mhan ghe, ‘mhan kuẹ lẹn ilẹnmhin nọnsi Osẹnobulua,’ ọkhẹke nin mhan rẹ guanọ otọle ‘bọsi emhin nọn ghanlẹn.’ (Proverbs 2:1-5) Eja ne ebe i bhi Kindọn Họọ dẹ sabọ rẹkpa ẹ rẹ muhẹn ha guanọ otọ emhin.

• Ebarẹ guanọ otọ emhin nela mhan da miẹn bhi eja ne ebe ọ bhi Kindọn Họọ?

• Ọbhọ la sabọ rẹkpa ẹ rẹ lẹn ebarẹ noo eja hẹ ebe ọ yẹ?