Jesu Kristi da taman edibo nesọle: ‘Ji ukpa nọnsi bha ha bhala nin ẹbho daghọle, nin ẹbho daghe emhin esili nin bha lu, nele da sabọ re uyi ji Aba bha nọn ribhi okhun.’ (Matthew 5:16) Ranmhude ọnin mhan da noo emhin ne bunbun ne dagbare bhi ore nan, rẹ sẹbhi itanẹti. Wẹbsaiti nọnsẹ mhan, jw.org, ọle Esali Jehova mhanmhan ne rẹ re urẹọbhọ bi iwẹnna nele lu man. Be ribhi ẹkẹ ọle?

Ewaniẹn nọn ribhi Baibo rẹji inọnta nan kẹ nọọn. Uwẹ dẹ sabọ miẹn ewaniẹn rẹji inọnta kpataki eso nin ẹbho sẹ nọọn. Bhọsi ijiẹmhin, ene itirat natiọle Iloya Dẹi Fo Ghee? bi Ene yulu dẹi gene kie nyẹn? ribhi intanẹti bhi urolo nọn gbera 600. Uwẹa yẹ sabọ miẹn iBaibo natiọle New World Translation bhi urolo nọn gbera 130. Mhan mhọn ebe nanrẹ luẹ iBaibo, rẹsi ọnin ebe natiọle What Does the Bible Really Teach? bi ebe uki uki natiọle The Watchtower bi Awake! Uwẹ asabọ tie ọle la ka ehọ ọle bhi itanẹti, uwẹ dẹ yẹ sabọ ri eba tiọle MP3, PDF, la EPUB rẹ danlod ọle. Uwẹ dẹ sabọ print ọle dagbare nuwẹ re nin ọria nọn guanọ bhi urolo nọnsọle. Vidio ribhọ nan ri urọlo odin lu. Uwẹ sabọ danlod uremhinman ọsi Baibo na ka ehọ ọle, uremhinman ọsi Baibo nan ghe bhi vidio, bi illo nọn mhẹn bhi ehọ nuwẹ ha khue bhi ẹghe nọn ghọn ẹn.

Ẹmhọn-ata rẹji Esali Jehova. Eba miẹn bhi enin hi, ọta ọgbọn bi ividio ọgbọn nọn ri iwẹnna nọnsẹ mhan bhi ọto agbọn rebhe man, emhin nọn rẹ sui Esali Jehova bi iwẹnna nin mhan rẹ re urẹkpa nin agbọn. Uwẹ dẹ sabọ miẹn emhanmhan ọsi usikoko nọn ne nọnsẹ mhan bi eji Bẹtẹ nesẹ mhan ye.

Ọnan mhan rẹ ri ukpa ọsi ẹmhọn-ata man bhi otọ agbọn rebhe. Ẹbho bhi ije rebhe rẹ sẹbhi otọ Antarctica miẹn elele bhọ. Mhan bhii ghe, nin ‘ẹmhọn nọnsi Jehova ri otua vẹ nanbhi otọ agbọn rebhe’ nọn ha ri uyi ji Jehova.—2 Thessalonians 3:1.

• Be jw.org rẹ rẹkpa mhan rẹ lẹn ẹmhọn-ata nọn ribhi Baibo yẹ?

• Be yẹẹ ẹ nuwẹ a sabọ guanọ bhi Wẹbsaiti nọnsẹ mhan?