OBỌ 4
Ele Da Ka Esu Ehọ—Be Ki Nabhọre?
Adam bi Eve bha ka Osẹnobulua ehọ, bhiriọ, ele da yu. Genesis 3:6, 23
Eve da ka ọne ẹnyẹn ehọ, yẹ le bhi ọne ikperan. Ọle da yẹ re bhọ nin Adam, Adam da le ọle.
Ebi ele lu bha gba—emhin ebe nọn. Bhiriọ, Osẹnobulua da khu ele sibhi ọne Ogba re.
Iẹnlẹn da manman kaka mun ele bi imọn nesele. Ele da dọmanlẹn yẹ yu. Ele bha ha nyẹnlẹn bhi ẹbho nan iwa; ele bha ha nyẹnlẹn bhi ije soso.
Ọria ha yu, ọ ki de-ekẹn an. Genesis 3:19
Ranmhude obọ Adam bi Eve mhan rebhe na vae, ọle zẹle nin mhan da yu. Ene yu idaghe, ele ihẹnmhọn, ele isabọ lu emhin soso.—Ecclesiastes 9:5, 10.
Ọ iyi iho nọnsi Osẹnobulua nin ẹbho rẹ ha yu. Bhi ẹghe nọn bha yẹ ree gbe nian, Osẹnobulua ki riọ ene yu kpanọ. Ahamiẹn ele ka Osẹnobulua ehọ, ele ki nyẹnlẹn bhi ighegheghe.
Emhin Ebhebhe Ne Ha Yẹ Ti Uwẹ Bhọ
ESSENTIAL BIBLE TEACHINGS
Be Sunu Ji Ene Yu?
Baibo tale ghe ẹghe vade nin ẹbho ne bunbun ha rẹ riọ kpanọ bhi uu, beji Lazarus rẹ riọ kpanọ.
ESSENTIAL BIBLE TEACHINGS
Bezẹle Nin Osẹnobulua Da Ji Iloya Ha Ribhọ?
Ẹbho ne bunbun nọọn ebezẹle nin iloya da ribhi ọne agbọn nan. Baibo re ewanniẹn nọn gbale bhi ọne inọnta nan.
