OBỌ 6
Be Imhan Miẹn Luẹ bhi ọne Okpamẹn Nọn Rọle?
Osẹnobulua da fuẹn eria ne lu emhin ebe a. Ọle da hinmhin Noah bi azagba-uwa nọnsọle. Genesis 7:11, 12, 23
Ọne amẹn da rọ na bhi ikpẹdẹ 40. Asọn bi odanmhẹn ọne amẹn rẹ rọ. Bhiriọ, amẹn da vuọn ọne otọ nan rebhe. Ẹbho rebhe ne lu emhin ebe da yu.
Ene ẹhi ne sọtẹ bhi obọ iJehova da mun akpa ọsi ọria nin ele mun yọ fia. Ene ehi ki dọ kiẹn ẹlinmhin ebe.
Noah, azagba-uwa nọnsọle, bi ene elanmhẹn ne ha ribhi ẹkẹ ọne okọ ọkpa miuhọnmhọn. Arẹmiẹn Noah bi azagba-uwa nọnsọle yẹ yu, Osẹnobulua dẹ sẹyẹ riọ ele vae bhi agbọn. Ẹghenin, ele ki ha nyẹnlẹn bhi ighegheghe.
Osẹnobulua dẹ kie fuẹn ẹbho ne imhẹn an. Ọle ki yẹ hinmhin ẹbho ne mhẹn. Matthew 24:37-39
Esu bi ene ẹlinmhin ebe sẹyẹ wo hiẹ ẹbho ẹlẹnan.
Beji ẹbho ka lu bhi ẹghe ọsi Noah, ẹbho ika re obọ rẹkhan adia nesi Osẹnobulua ẹlẹnan. Bhi ẹghe nọn bha yẹ ree gbe nian, Jehova ki dọ fuẹn ẹbho ne imhẹn an.—2 Peter 2:5, 6.
Ẹbho eso ribhọ ne diabe iNoah. Ele ka Osẹnobulua ehọ yẹ lu ebi ọle taman ele. Ene ẹbho nan hi Esali Jehova.
Emhin Ebhebhe Ne Ha Yẹ Ti Uwẹ Bhọ
EBE BI BROKIỌ
Họ Bhọ Gene Re ọne Agbọn Nan Khian?
Ewanniẹn nin Baibo re ọbhọ sabọ rẹ han uwẹ ilo. Guanọ otọ ebezẹle nọn da khẹke nin uwẹ lẹn ewanniẹn nin Baibo re ọbhọ, bi elele nọn ha nanbhọre bhi ẹghe odalo.
