Ikpẹdẹ ea ki gbera nin Jesu yu, ikhuo eso da dọ fẹ idin nọnsọle ghe. Ọkpakinọn, ele bha yẹ ke egbe nọnsi Jesu re bhi idin, ranmhude, Jehova riọ ọle kpanọ bhi uu.

Akizẹbue, Jesu da zegbere man etuegbe nesọle.

Jehova da riọ iJesu kpanọ ha khian okhun bọsi ẹlinmhin nọn manman mhọn ahu. Ọle ida kie yu ghẹdẹ. Edibo nesi Jesu da daghe ọle bhi ẹghe nin ọle rẹ ha khian okhun.

Jesu re iẹnlẹn nọnsọle rẹ zọese nin agbọn rebhe. (Matthew 20:28) Ọne izọese nan zẹle nin Osẹnobulua ha da re iẹnlẹn ighegheghe nin mhan bhi ẹghe odalo.

Jehova re iJesu kiẹn Ojie nọn ha gbẹloghe ọne otọ nan. Itue 144,000 nan zẹle bhi ọne otọ nan, ele ha deba iJesu ha gbẹloghe bhi okhun. Jesu bi ene itue 144,000 nan dẹ kugbe ha gbẹloghe bhi Agbejele nọnsi Osẹnobulua.—Revelation 14:1-3.

Agbejele nọnsi Osẹnobulua dẹ re ọne otọ nan kiẹn otọ ọfubhegbe. Okhọnlẹn, ugbele, a bha miẹn rẹ lu, bi ohanmhẹn ida yẹ ha ribhọ. Ẹghenin, ẹbho dẹ manman ha ghọnghọn.—Psalm 145:16.