Emhin ne bunbun ne sunu bhi ọne agbọn ẹlẹnan, Baibo ka tale ọbhi otọ khẹ ghe, ele dẹ sunu. Baibo yọle ghe, ẹbho dẹ manman ha hoẹmhọn igho, imọn ki ha mhọn akan-ehọ da ene biẹ ele, ẹbho ki ha mhọn izalo yẹ hoẹmhọn ọlẹnlẹn-bhi-egbe.

Otọ ki ha munvẹa bhi ije kẹkẹ, agbaẹbho ki ha mun okhọnlẹn bu agbaẹbho, ukhunmhun ki ha fi, emianmhẹn ne kaka ki yẹ ha sunu bhi ije kẹkẹ. Ene emhin nan wo sunu ẹlẹnan.

Jesu da yẹ yọle ghe, a dẹ wewe ẹmhọn Agbejele na bhi ọne otọ nan rebhe.—Matthew 24:14.

Jehova dẹ kẹ fuẹn eria ne imhẹn an.

Ọle dẹ kẹ gbe Esu bi ẹlinmhin ebe nesọle kuelo.

Ẹbho ne ka Osẹnobulua ehọ dẹ na bhi agbọn ọsọgbọn. Ẹghenin, ẹbho iyẹ da ha mun ofẹn emhin soso. Ẹghenin, ẹbho ki ha mhọn ahoẹmhọn-egbe da egbe yẹ gba-ẹkẹ egbe.