OBỌ 7
Họla Hi Jesu Kristi?
Jehova hi ọnọn je iJesu re bhi ọne otọ nan. 1 John 4:9
Ahamiẹn mhan ho nin mhan ha lu emhin ne ti Jehova bhọ, ọria ọbhebhe kpataki ribhọ nin mhan ha ka ọle ehọ. Ikpe ne bunbun ọkuẹsẹ Jehova man Adam, Jehova da ka man ẹhi ọkpa nọn wo manman mhọn ahu bhi okhun.
Akizẹbue, Jehova da lu ọle nin ọmanmhẹn nọn bha sẹ hẹgẹn natiọle Mary biẹ ọle bhi Bethlehem. A da ha tie ọne ọmọn Jesu.—John 6:38.
Ẹghe nin Jesu rẹ ha ribhi ọne otọ nan, ọle da wo ha re ikpẹ esili nesi Osẹnobulua man bhi uwedẹ nin ọle rẹ ha nyẹnlẹn. Ọle wo ha mhọn ifuẹkẹ bi oyẹẹ. Ọle da yẹ ha yi ọria nin ẹbho sabọ sikẹ. Ọle da re izebhudu ha tẹmhọn iJehova man ẹbho.
Arẹmiẹn emhin ne mhẹn iJesu ha lu, a da sẹyẹ he ọle. 1 Peter 2:21-24
Jesu da re egbe daan ene khọnmhọn, yẹ riọ ẹbho eso ne yu kpanọ bhi uu.
Ene mun ọkalo bhi otuẹ da wo he iJesu, ranmhude ọle re iman-emhin ohoghe nọnsele man, bi uwedẹ nọn imhẹn nin ele rẹ nyẹnlẹn.
Ene mun ọkalo bhi otuẹ da re ibhokhan Rome rẹ re oya nin Jesu yẹ gbe ọle a.
