OBỌ 3
Be Iẹnlẹn Dia Yẹ bhi Ogba ọsi Eden?
Jehova da ne emhin ne bunbun nin Adam bi Eve. Genesis 1:28
Jehova da man okhuo nin ọhẹnhẹn natiọle Eve, yẹ re ọle nin Adam nọn ha yi amhẹn ọlẹn.—Genesis 2:21, 22.
Ẹghe nin Jehova re man Adam bi Eve, ọle da re egbe nọn gbale bi ọkhọle nọn gbale nin ele.
Jehova ki man ele fo, ọle da ne ele ọbhi ẹkẹ ogba ọsi Eden—ogba nọn manman mhọn-ose, nin ẹdẹ ye, nin elanmhẹn bi eran kẹkẹ ne mọn ikpẹ yẹ ye.
Jehova da ha nin ele talọ yẹ man ele emhin. Ele ha ka iJehova ehọ, ele ki nyẹnlẹn bhi ẹkẹ ọne ogba rẹ ha khian ighegheghe.
Osẹnobula yọle nin ele hẹi le bhi oran ọkpa bhi ẹwẹ eran ne ribhi ẹkẹ ọne ogba. Genesis 2:16, 17
Jehova da re oran ọkpa man Adam bi Eve bhi ẹkẹ ọne ogba. Ọle da taman ele ghe, ele ha le bhi ọne oran, ele ki yu.
Ẹhi ọkpa da sọtẹ bhi obọ Osẹnobulua. Ọne ẹhi nan a tiọle Esu.
Esu bha guanọ nin Adam bi Eve ka iJehova ehọ. Bhiriọ, ọle da noo ẹnyẹn rẹ taman Eve ghe, ọle ha le bhi ọne oran, ọle ida yu, sokpan, ọle ki diabe Osẹnobulua. Ọkpakinọn, ohoghe wo khọnan.—Genesis 3:1-5.
Emhin Ebhebhe Ne Ha Yẹ Ti Uwẹ Bhọ
ESSENTIAL BIBLE TEACHINGS
Bezẹle Nin Osẹnobulua Da Man Ọne Otọ Nan?
Emhin ne manman mhọn-ose wo vuọn ọne otọ nan. Ọbha man ọlẹn nọn sikẹ ovuẹnlẹn gbe la nọn si sibhọ re gbe. Ọ da yẹ man ọlẹn nọn ha fi nẹga beji ọ rẹ khẹke. Bezẹle nin Osẹnobulua da re ẹghe ọbhi otọ rẹ dinian man ọne otọ nan?
