OBỌ 5
Okpamẹn Nọn Rọle—Hela Ka Ehọ? Hela Bha Ka Ehọ?
Ẹbho ne bunbun da wo manman ha lu emhin ebe bhi ẹghe nọnsi Noah. Genesis 6:5
Adam bi Eve ki munhẹn ha biẹ imọn, ẹbho da dọ manman ha bun bhi ọne otọ nan. Akizẹbue, ẹhi eso da deba Esu sọtẹ bhi obọ iJehova.
Ele da vae bhi ọne otọ nan, ye mun akpa ọsi ọria yọ, nin ele da sabọ ha ne ikhuo bhi amhẹn. Ene ikhuo da biẹ eguanlan ne manman mhọn ahu, ne yẹ re ofẹn mun ẹbho.
Eria ne lu emhin ebe da vuọn ọne otọ nan. Baibo yọle ghe, olukhọ ọsi eria da manman bun bhi ọne otọ nan sẹbhọ ghe, emhin ọbe ọkpa ele ria bhi ọkhọle ẹghe rebhe.
Noah da ka Osẹnobulua ehọ yẹ kanọ okọ. Genesis 6:13, 14, 18, 19, 22
Ọria nọn mhẹn iNoah khin. Jehova da taman iNoah ghe, ọle dẹ re okpamẹn rẹ fuẹn eria ebe a.
Osẹnobulua da yẹ taman iNoah nin ọle kanọ okọ nọn manman kpọnọ. Ọle da yẹ taman iNoah nin ọle ne azagba-uwa nọnsọle bi elanmhẹn kẹkẹ nabhi ẹkẹ ọne okọ.
Noah da taman ene ẹbho ghe, okpamẹn dẹ rọ, ọkpakinọn ele bha ka ọle ehọ. Ẹbho eso da ha jiẹ ọle; ẹbho eso da yẹ he ọle.
Ẹghe nin Noah rẹ kanọ ọne okọ fo, ọle da ne ene elanmhẹn na bhi ẹkẹ ọle.
