OBỌ 2
Họ Bhọ Hi Osẹnobulua ọsi Ẹmhọanta?
Osẹnobulua ọsi ẹmhọanta ọkpa sẹsẹ, ọle ribhọ. Elin ọlẹn hi Jehova. (Psalm 83:18) Ẹlinmhin ọle khin. Mhan isabọ daghe ọle. Ọle manman hoẹmhọn mhan. Ọle yẹ guanọ nin mhan hoẹmhọn ọlẹn. Ọle sẹyẹ guanọ nin mhan hoẹmhọn ẹbho nekẹle. (Matthew 22:35-40) Ọle hi ọnọn Ke Okhun Nẹ. Ọle hi ọnọn yẹ man emhin rebhe.
Jesu Kristi, ọle Osẹnobulua ka man ọkuẹsẹ ọle man emhin nekẹle rebhe. Ẹlinmhin nọn wo manman mhọn ahu ọle khin. Jehova yẹ man ẹhi nekẹle rebhe.
Jehova man emhin rebhe ne ribhi okhun . . . bi otọ. Revelation 4:11
Jehova yẹ man ene ahiẹnhiẹn, ọne otọ nan bi emhin rebhe ne ribhi ẹkẹ ọle.—Genesis 1:1.
Ọle da re ekẹn rẹ man Adam nin okpea nin ọhẹnhẹn.—Genesis 2:7.
Emhin Ebhebhe Ne Ha Yẹ Ti Uwẹ Bhọ
ESSENTIAL BIBLE TEACHINGS
Osẹnobulua Mhọn Elin?
Osẹnobulua mhọn elin ihe nebunbun bii: Osẹnọkokhunẹ, Osẹnọmemhin, bi Ebealẹn. Elin ọso Osẹnobulua zegbere si igba 7,000 bhẹkẹ iBaibo.
