Ibọdọ Bi Ireokhuo
Be ibọdọ bi ireokhuo rẹ munhẹn yẹ?
Ge 1:27, 28; 2:22-24; Mt 19:4-6
Họla Kristiẹn ha sabọ re bhi amhẹn la bọ bhi ọdọ?
Be ha sabọ zẹ aba bi inẹn bha re obọ ọbhi ibọdọ bi ireokhuo ọsi ọmọn nọnsele nọn mianmẹn fo?
-
Okha eso bhi Baibo ne ha sabọ rẹkpa uwẹ:
-
Ge 24:1-4, 7—Ebraham da zẹ nin ọle rẹ guanọ okhuo re nin Aiziki nin ọmọn nọnsọle bhi ẹwẹ eria ne ga Jehova, ọ i yi bhi ẹwẹ ibhokhan Kenan ne ga ẹbọ
-
Ge 28:1-4—Aiziki da taman Jekọp nin ọmọn nọnsọle nin ọle dọ guanọ okhuo bhi ẹwẹ ẹbho ne ga Jehova, ọ i yi ẹwẹ ibhokhan Kenan
-
Ẹlo nela Jehova rẹ ghe eria ne bọ ọdọ la re okhuo nọn i ga Jehova?
De 7:3, 4
-
Okha eso bhi Baibo ne ha sabọ rẹkpa uwẹ:
-
1Ki 11:1-6, 9-11—Jehova da wo manman ha khọẹkẹ Solomọn nin ojie ranmhude nin ọle rẹ gbobọrauhi nọnsọle dọ ne ikhuo ne bunbun ne i ga Jehova, bi ranmhude nin ọle rẹ ji ene ikhuo da re ọle sibhi oga nọnsi Jehova re
-
Ne 13:23-27—Bọsi Jehova, Nẹhimaya nin gọvanọ da wo ha khọẹkẹ ẹghe nin ibhokhan Izrẹl rẹ dọ ne ikhuo ne i ga Jehova. Bhiriọ, ọle da re adia nin ele yẹ taman ele ebe khẹke nin ele lu
-
Bezẹle nọn da yi emhin ẹwanlẹn nin mhan rẹ zẹ ọria nọn hoẹmhọn Jehova, nin ẹbho yẹ tẹmhọnlẹn nọnsẹn?
Pr 18:22; 31:10, 28
Sẹyẹ fẹ enan ghe bhi Baibo: Ẹfẹ 5:28-31, 33
-
Okha eso bhi Baibo ne ha sabọ rẹkpa uwẹ:
-
1Sa 25:2, 3, 14-17—Okpea nọn fele, ọle Neba ha khin. Ọrẹyiriọ, ọle bha ha yi ọdọ esili rẹji Abigẹ, ranmhude, okpea nọn zẹ ọkhọbhunun, nin egbe yẹ to ọle ha khin
-
Pr 21:9—Ahamiẹn mhan bha re ẹwanlẹn zẹ, mhan ki bọ ọdọ la re okhuo nọn ha re eghọnghọn si mhan bhi iẹnlẹn re
-
Rm 7:2—Pọl nin odibo da yọle ghe, ahamiẹn okhuo bọ ọdọ, odotọ ọne okpea ọle ki ye. Ọ bha gba nin ọne okpea, bhiriọ, ọ dẹ khẹke nin okhuo re ẹwanlẹn zẹ ọdọ nin ọle ha bọ
-
Ebi okpea la okhuo ha ka lu ọkuẹsẹ ọle re okhuo la bọ ọdọ
Bezẹle nọn da khẹke nin okpea ka muegbe ọbhi otọ beji ọle ha da sabọ gbẹloghe okhuo ọle, bi imọn nesọle ọkuẹsẹ ọle munhẹn ha ria ẹmhọn okhuo nin ọle ha re?
-
Okha bhi Baibo nọn ha sabọ rẹkpa uwẹ:
-
Pr 24:27—Ọkuẹsẹ okpea re okhuo yẹ biẹ imọn, ọkhẹke nin ọle wẹnna kaka beji ọle ha da sabọ gbẹloghe ene ribhi azagba-uwa nọnsọle
-
Bezẹle nọn da khẹke nin okpea bi okhuo ne ho ne bọ egbe guanọ adia nọn mhẹn bhi obọ ẹbho, yẹ dọnmhegbe rẹ lẹn egbe nọnsẹn?
Pr 13:10; 1Pi 3:3-6
-
Okha eso bhi Baibo ne ha sabọ rẹkpa uwẹ:
-
Ru 2:4-7, 10-12—Beji Boaz ha da sabọ lẹn Rut nọnsẹn, ọle da gbẹlokotọ bhi uwedẹ nin Rut rẹ wẹnna, uwedẹ nin ọle rẹ ne ẹbho ne ribhi azagba-uwa nọnsọle lu emhin, bi uwedẹ nin ọle rẹ hoẹmhọn Jehova. Ọle da yẹ nọọn ẹbho ẹmhọn ọlẹn
-
Ru 2:8, 9, 20—Beji Rut ha da sabọ lẹn Boaz nọnsẹn, ọle da gbẹlokotọ bhi ikpẹ esili nesọle, bọsi uwedẹ nin Boaz rẹ re ifuẹkẹ man bi uwedẹ nin ọle rẹ zẹ emhin bhi obọ. Ọle da yẹ gbẹlokotọ bhi uwedẹ nin ọle rẹ hoẹmhọn Jehova
-
Bezẹle nin Jehova da yọle nin okpea bi okhuo ne ho ne bọ egbe hẹi ne egbe nowẹ, la nyẹnlẹn iẹnlẹn esankan?
-
Okha eso bhi Baibo ne ha sabọ rẹkpa uwẹ:
-
Pr 5:18, 19—Emhin eso ribhọ nin Baibo re otọ nin okhuo bi ọdọ rẹ lu, nọn bha re otọ nin ene bha sẹ bọ egbe rẹ lu
-
Ca 1:2; 2:6—Ẹghe nin ọne obhokhan okpea nan tẹmhonlẹn bhi ene ulọnlẹn nan bi ọne ọmanmhẹn nọn na bhi Shunẹm vae rẹ ha ne egbe khian, ele da wo ha ta ọta ne niẹn-niẹn man egbe, ọkpakinọn, ele bha ha ta ọta esankan man egbe
-
Ca 4:12; 8:8-10—Ọne ọmanmhẹn nọn na bhi Shunẹm vae da wo mun ekpẹn ọbhi egbe. Ọle da re egbe ọle khọkhọ ogba nan fi isanhan ọi
-
Bezẹle nọn da khẹke nin okpea bi okhuo lu ibọdọ bi irekhuo nọnsele beji uhi ọsi gọvamẹnt tale?
Ẹsọn ọsi ọne okpea
Ẹsọn nela Jehova mun nin ọdọ?
Ijiẹmhin nela ọkhẹke nin ọdafẹn-uwa re egbe khọkhọ?
Be ọ lu uhọnmhọn-emhin sẹ yẹ nin okpea rẹ ha re oyẹẹ ne okhuo ọle lu emhin, yẹ rẹman ọlẹn ghe ọle lẹn ebi emhin dia ọle yẹ bhi egbe?
-
Okha eso bhi Baibo ne ha sabọ rẹkpa uwẹ:
-
Ge 21:8-12—Jehova da yọle nin Ebraham lu rẹkhan adia nin Sera nin okhuo ọle re nanlẹn, arẹmiẹn ọne adia bha ti Ebraham bhọ
-
Pr 31:10, 11, 16, 28—Ọ i yi ẹghe rebhe okpea nọn mhọn ẹwanlẹn ha rẹ wo ha taman okhuo ọle ebi okhuo ọle ha lu. Ọkhẹke nin ọle lẹn ghe, okhuo ọle dẹ sabọ tobọle zẹ emhin eso nin ọle ha lu. Sẹyẹ, ọle i da ha ghe eji ọne okhuo i da lu nọnsẹn. Sokpan, ọle ki gbaẹkẹ ọne okhuo yẹ ha gẹn ọlẹn
-
Ẹfẹ 5:33—Ẹmhọn nin Pọl nin odibo ta bhi enan rẹman ghe, ọ dẹ khẹke nin okhuo lẹn sẹbhọ ghe, ọdọ ọle hoẹmhọn ọlẹn
-
Ẹsọn nin Osẹnobulua mun nin ọne okhuo
Ẹsọn kpataki nela Jehova mun nin ene amhẹn?
Ge 2:18; Kol 3:18; Tai 2:4, 5
Ihe nọn bha sẹ emhin soso Jehova be re ene amhẹn ọi?
Ge 1:26-28, 31; 2:18
-
Okha eso bhi Baibo ne ha sabọ rẹkpa uwẹ:
-
Pr 1:8; 1Kọ 7:4—Ihe kpataki, ọle Jehova re amhẹn bi inẹn ọi bhi azagba-uwa
-
1Kọ 11:3—Pọl nin odibo rẹkpa mhan rẹ lẹn ghe, gbera Osẹnobulua, eria nekẹle mhọn ebeanlẹn
-
Hib 13:7, 17—Baibo yọle, ọrebhe bhi agbotu, ọ ha rẹ ha yi okpea la okhuo, nin ele ha degbere nin ene mun ọkalo bhi ẹwẹ ele
-
Be okhuo nin ọdọ ọle i yi Ọsali Jehova ha rẹ sabọ re Jehova ha ghọnghọn yẹ?
Bezẹle nọn da khẹke nin okhuo ha mun ekpẹn nin ọdọ ọle?
-
Okha bhi Baibo nọn ha sabọ rẹkpa uwẹ:
-
Ge 18:12; 1Pi 3:5, 6—Sera wo ha mun ekpẹn nọn dinmhin nin Ebraham nin ọdọ ọle. Ọle bhọ da ha ghe ọle bii ebeanlẹn ọlẹn
-
Unan okhuo nela Baibo tẹmhọnlẹn nọnsẹn?
Pr 19:14; 31:10, 13-31
-
Okha eso bhi Baibo ne ha sabọ rẹkpa uwẹ:
-
Ge 24:62-67—Ẹghe nin inẹn Aiziki rẹ yu, Rebeka nin okhuo ọle da re ikoudure nanlẹn
-
1Sa 25:14-24, 32-38—Emhin nin Abigẹ lu da gbega ọdọ ọle, bi ene ribhi azagba-uwa nọnsọle. Ọle da bhii Devid nọn rẹhunmhan ele bhi emhin uuki nin ọdọ ọle lu
-
Es 4:6-17; 5:1-8; 7:1-6; 8:3-6—Arẹmiẹn ọnojie bha tie Ẹsta, ọle da mun iẹnlen nọnsọle ọbhi okhẹnan, yẹ bu ọnojie dọ bhii ọle nin ọle gbega ẹbho nesi Osẹnobulua
-
Ebi okhuo bi ọdọ ha rẹ sabọ ha re ẹmhọn khian yẹ
Adia nela ha sabọ rẹkpa okhuo bi ọdọ rẹ re emhin khian nọnsẹn sade ẹmhọn zegbere bhi ibọdọ bi ireokhuo nọnsele?
Adia nela bhi Baibo ha sabọ rẹkpa okhuo bi ọdọ rẹ ha re ẹlo nọn khẹke ghe igho?
Lu 12:15; Fil 4:5; 1Ti 6:9, 10; Hib 13:5
Sẹyẹ fẹ ọne uhọnmhọn-ọta nan ghe: “Igho”
Adia nela ha sabọ rẹkpa okhuo bi ọdọ rẹ lẹn ebi ele ha rẹ ha ne oruan ele bi ibhio ele lu emhin yẹ?
Ps 34:14; Mt 19:5, 6; 1Kọ 13:4, 5
Adia nela ha sabọ rẹkpa okhuo bi ọdọ bhi ẹmhọn inegbenowẹ?
Pr 5:15-20; Mt 5:27, 28; 1Kọ 7:3-5; 10:24; Fil 2:4; Hib 13:4
Bezẹle nọn da khẹke nin okhuo bi ọdọ ha gbẹlokotọ bhi eji ọnọnkẹle da lu nọnsẹn, ọ i yi eji ọle i da lu nọnsẹn?
Ps 103:14; 130:3, 4; Pr 17:9; 1Pi 4:8
Bezẹle nọn da khẹke nin okhuo bi ọdọ ha re ẹjẹje re ẹmhọn i nọnsẹn?
Ps 37:8; Pr 14:29; Ẹfẹ 4:26, 27; Jem 1:19, 20
Bezẹle nọn bha da khẹke nin okhuo bi ọdọ ha vanhiẹn egbe, ghunmhun egbe, la khọnlẹn?
Ps 11:5; Ga 5:19-21; Ẹfẹ 4:31, 32; Tai 3:2
Ẹmhọn ha zegbere bhi ẹwẹ okhuo bi ọdọ, be ọkhẹke nin ele lu?
Ps 34:14; Mt 5:9; Rm 12:17, 18, 21
Elele nela okhuo bi ọdọ ne mun ẹmhọn Jehova kalo bhi iẹnlẹn ha miẹn?
Ec 4:9-12
Uhi nin Jehova gbe ọbhi otọ rẹji ibọdọ bi ireokhuo
Be Baibo tale rẹji inegbenowẹ bi ibọdọ bi ireokhuọ?
Pr 6:32; Mt 5:27, 28; 1Kọ 6:9, 10; Hib 13:4
Be Baibo tale rẹji eka okhuo nin ọria ha re, la eka ọdọ nin ọria ha bọ?
Be imhan rẹ lẹn yẹ ghe, okpea bi okhuo, ọle Osẹnobulua yọle ne ha bọ egbe?
Ge 2:18, 22, 24; Mt 19:4-6; Rm 1:23-27
Bezẹle nọn da khẹke nin okhuo bi ọdọ sun rẹkhan egbe?
Emhin nela ha sunu nin okhuo bi ọdọ ha da sabọ sọ ebe a?
Be ọ dia Jehova bhi egbe yẹ sade okhuo bi ọdọ sọ ebe a, ahamiẹn ọ bha khẹke nin ele lu iriọ?
Mal 2:13-16
Ahamiẹn okhuo ọria, la ọdọ ọria yu, ọ be khẹke nin ọne ọria kie dọ bọ ọdọ la re okhuo?
Emhin Ebhebhe Ne Ha Yẹ Ti Uwẹ Bhọ
AWAKE!
Azagba-uwa Nin Eghọnghọn Ye—Okugbe
Okhuo ẹ la ọdọ ẹ be diabe ọria nin bha veva gheghe ko nyẹnlẹn bhi ugha okpa?
ẸMHỌN MHAN
Gbẹn Ebe Re Nin Esali Jehova Dọ Ha Man Uwẹ iBaibo
Deba Esali Jehova zilo bhi Baibo la uwẹ ha noo emhanmhan nọn ribhi jw.org nin ọria rẹ tobọle man egbe ọle Baibo.
