Okha eso bhi Baibo ne ha sabọ rẹkpa uwẹ:

• 2Ch 26:​3-5, 16-21—Uzaya nin ojie da ha tẹngbemun. Ọle da re obọ gbera uhi nọnsi Osẹnobulua. Rẹ deba ọnin, ẹghe nan rẹ re adia nanlẹn, ẹkẹ da ha khọ ọle. Ranmhude ọnan, Osẹnobulua da mun emianmhẹn egbekẹn gbe ọle

• Lu 18:​9-14—Jesu da noo arẹkhọkhọ rẹ rẹman ẹlo nin Jehova rẹ ghe erọnmhọn ọsi ẹbho ne mhọn idegbere bi ẹbho ne tẹngbemun

Okha eso bhi Baibo ne ha sabọ rẹkpa uwẹ:

• 2Ch 12:​5-7—Ẹghe nin Rehoboam nin ojie bi ekhaẹmhọn nesi Juda rẹ degbere nin Jehova yẹ fidenọ, Jehova bha yẹ fuẹn ele a

• 2Ch 32:​24-26—Ẹghe ribhọ nin Hẹzẹkaya nin ojie rẹ ha tẹngbemun. Ọle ki degbere yẹ fidenọ, Jehova da rẹhunmhan ọlẹn

Okha eso bhi Baibo ne ha sabọ rẹkpa uwẹ:

• Ge 33:​3, 4—Jekọp da wo manman re idegbere tuẹ obhio ọle nin Isọ nọn rẹ ha khọẹkẹ ọle. Ranmhude ọne emhin nan nin ọle lu, ọle bi obhio ọle da ko ha ribhi ọfure

• Jg 8:​1-3—Ẹghe nin ibhokhan Ifrem rẹ ha ne Gidiọn van, ọle da re idegbere taman ele ghe, ele lu okpọria nẹ ọle. Bhiriọ, ẹkẹ bha yẹ khọ ele, sẹyẹ, ele bha yẹ nanlẹn khọnlẹn

Okha eso bhi Baibo ne ha sabọ rẹkpa uwẹ:

• Isa 53:7; Fil 2:​7, 8—Beji ene akhasẹ tale, Jesu wo ha mhọn idegbere. Ọle da muegbe nin ọle rẹ vae bhi ọne otọ nan dọ yu uyumhin oya, ranmhude olukhọ nọnsẹmhan

• Lu 14:​7-11—Jesu da gbokha ọkpa ọsi ebi ẹbho rẹ dọ ha dotua bhi aga nọn mhẹn nẹ yẹ bhi eji a da ha lu iluemhin. Ọle da re ọne okha nan rẹ rẹman ghe elele ribhọ sade mhan wo ha re idegbere man

• Jn 13:​3-17—Jesu da kpe oẹ ọsi edibo nesọle a, nin ọle rẹ rẹman ele ebi ele ha rẹ ha re idegbere man yẹ