Okha bhi Baibo nọn ha sabọ rẹkpa uwẹ:

• Ec 12:​1-8—Solomọn nin ojie da re itan rẹ tẹmhọn ọnọghọ kẹkẹ nin idọmanlẹn sire. Ọle da yọle ọria nọn dọman i yẹ sabọ daghe nọnsẹn, ọ i yẹ sabọ họn ẹmhọn nọnsẹn

Okha eso bhi Baibo ne ha sabọ rẹkpa uwẹ:

• 1Sa 12:​2, 23—Samuẹl nin akhasẹ rẹ dọman, ọle da lẹn sẹbhọ ghe ọ manman lu uhọnmhọn-emhin nin ọle sẹyẹ ha nan erọnmhọn ji Osẹnobulua nọn gbẹloghe ibhokhan Izrẹl

• 2Sa 19:​31-39—Urẹkpa nin Bazilai nin ọwanlẹn re nin Devid nin ojie da wo manman ti ọle bhọ. Bazilai da yẹ rẹman ghe ọle lẹn eji ahu nọnsọle sẹ. Ọle da taman Devid ghe ọle i da sabọ rẹkhan ọlẹn dọ ga bhi Jerusalẹm

• Ps 71:​9, 18—Ofẹn da ha mun Devid nin ojie ghe emhin soso i yẹ ribhọ nin Jehova ha re ọle lu ranmhude ọle dọmanlẹn. Bhiriọ, ọle da nan erọnmhọn ji Jehova nọn hẹi zẹ ọle obọ, sokpan, nin ọle re ahu nanlẹn beji ọle ha da sabọ man ene ibhokhan ẹmhọn ọlẹn

• Lu 2:​36-38—Arẹmiẹn Ana nin akhasẹ i yẹ mhọn ọdọ, sẹyẹ, ọle ki manman wanre, ọle da sẹyẹ sun rẹkhan Jehova. Bhiriọ, Jehova da nan erọnmhọn nanlẹn

Okha eso bhi Baibo ne ha sabọ rẹkpa uwẹ:

• Ge 12:​1-4—Ẹghe nin Ebraham rẹ ha ribhi ikpe 75, Jehova da mun iwẹnna nanlẹn nọn re ọle sibhi agbaẹbho nọnsọle re dọ ha nyẹnlẹn bhi ije ebhebhe

• Da 10:​11, 19; 12:13—Ẹghe nin Daniẹl nin akhasẹ rẹ ha ribhi ikpe 90, ẹhi nọnsi Jehova da bu ọle re dọ taman ọlẹn ghe, ọle wo manman ghan bhi ẹlo nọnsi Jehova, ghe Jehova dẹ re ihaosa nanlẹn ranmhude nin ọle rẹ sun rẹkhan ọlẹn

• Lu 1:​5-13—Jehova da nan erọnmhọn nin Zẹkaraya bi Ẹlizabẹt ne ki manman wanre. Ọle da re ọmokpea nin ele biẹ, natiọle Jọni

• Lu 2:​25-35—Jehova da re isẹhoa nin Simiọn nin ọdọman rẹ miẹn ọne ọmọn nọn da kiẹn Mezaya. Jehova da yẹ noo Simiọn rẹ ta ọta akhasẹ rẹji ọne ọmọn

• Iw 7:​23, 30-36—Ikpe 80 Mozis ha ye ẹghe nin Jehova rẹ mun ọne ẹsọn ọle bhi obọ nin ọle rẹ sun ibhokhan Izrẹl nin ẹbho nesọle

Okha eso bhi Baibo ne ha sabọ rẹkpa uwẹ:

• Ge 45:​9-11; 47:12—Josẹf da je nan dọ mun Jekọp nin aba ọle vae bhi eji ọle ye. Bhi ọne ẹghe nin, Jekọp ki manman wanre. Ọle da wo gbẹloghe ọle rẹ sẹbhi ukpẹdẹ uu

• Ru 1:​14-17; 2:​2, 17, 18, 23—Rut da wo rẹkpa Naomi nọn ki dọmanlẹn, yẹ ta ọta ikoudure man ọlẹn

• Jn 19:​26, 27—Ẹghe nan rẹ khan Jesu ọbhi okhun oran, ọle da taman Jọni nin odibo nọnsọle nọn nanlẹn gbẹloghe inẹn ọlẹn