Fiọ diọ bhi uhọnmhọn-ota

Fiọ diọ bhi uri uhọnmọn-ọta

Nabhọ (opens new window)
Guanọ Emhin bhi JW.ORG

Nan Rẹ Ziẹngbe Oya

Nan Rẹ Ziẹngbe Oya

Bezẹle nọn da khẹke nin eguọmhandia nesi Jehova ha ziẹngbe?

1Kọ 13:​4, 7; 1Ti 6:11; 2Pi 1:​5, 6

Be imhan rẹ lẹn yẹ ghe, ẹbho eso i da miẹn mhan ọbhi egbe beji mhan rẹ tẹmhọn Osẹnobulua khian?

Mt 10:22; Jn 15:​18, 19; 2Kọ 6:​4, 5

  • Okha eso bhi Baibo ne ha sabọ rẹkpa uwẹ:

    • 2Pi 2:5; Ge 7:23; Mt 24:​37-39—Ẹmhọn “uwedẹ nọn gbale nọnsi Osẹnobulua,” ọle Noa ha wewe man ẹbho. Ọrẹyiriọ, ẹbho ne bunbun bha re ehọ ọbhi uhọnmhunje nin ọle ha wewe. Ọle bi azagba-uwa nọnsọle ọkpa miuhọnmhọn bhi okpamẹn nọn rọle

    • 2Ti 3:​10-14—Pọl da taman Timoti nọn re egbe khọkhọ ọle bhi uwedẹ nin ọle rẹ ziẹngbe oya ne bunbun

Bezẹle nọn i da yi emhin ọhan-ilo sade ene ribhi azagba-uwa nọnsẹmhan kpokpo mhan ranmhude nin mhan rẹ ha ga Jehova?

Mt 10:​22, 36-38; Lu 21:​16-19

  • Okha eso bhi Baibo ne ha sabọ rẹkpa uwẹ:

    • Ge 4:​3-11; 1Jn 3:​11, 12—Ranmhude ọria ebe Keni khin, ọle da gbe Ebẹl nin obhio ọle a nọn yi ọria esili

    • Ge 37:​5-8, 18-28—Ranmhude nin Josẹf rẹ taman ibhio ọle ghe, Jehova re ebhohiẹ man ọlẹn, ele da mun ọlẹn fiọbhi ẹkẹ uhio, yẹ khiẹn ọlẹn

Ọ be khẹke nin mhan ji ofẹn uu ha mun mhan sade a kpokpo mhan?

Mt 10:28; 2Ti 4:​6, 7

Sẹyẹ fẹ enan ghe bhi Baibo: Arẹ 2:10

  • Okha eso bhi Baibo ne ha sabọ rẹkpa uwẹ:

    • Da 3:​1-6, 13-18—Arẹmiẹn ọnojie yọle ghe a dẹ gbono Shẹdrak, Mẹshak, bi Abẹdnigo a sade ele bha ga amanzẹ nin ọle man, ele bha lu ebi ọne ojie tale

    • Iw 5:​27-29, 33, 40-42—Ene etuegbe da yẹ wo ha tẹmhọn Osẹnobulua arẹmiẹn ghe ẹbho yọle ghe ele dẹ gbono ele a sade ele yẹ ha tẹmhọn Osẹnobulua

Be ha rẹkpa mhan rẹ sun rẹkhan Jehova, aharẹmiẹn ghe a re adia nin mhan?

Pr 3:​11, 12; Hib 12:​5-7

  • Okha eso bhi Baibo ne ha sabọ rẹkpa uwẹ:

    • Nu 20:​9-12; De 3:​23-28; 31:​7, 8 —Arẹmiẹn ghe ọ wo manman ba Mozis bhi egbe bhi ẹghe nin Jehova rẹ re adia nanlẹn, ọle bha zẹ Jehova obọ. Ọle da yẹ wo sun rẹkhan ọlẹn

    • 2Ki 20:​12-18; 2Ch 32:​24-26—Ẹghe nin Hẹzẹkaya nin ojie rẹ lu emhin ebe, akhasẹ nọnsi Osẹnobulua da re adia nanlẹn. Ọle da re idegbere miẹn ọne adia ọbhi egbe, yẹ sun rẹkhan Jehova

Bezẹle nọn da nọghọ nin ọria rẹ sẹyẹ ha ga Jehova, ahamiẹn eria nin ọle lẹnlẹn zẹ Jehova obọ?

Jer 1:​16-19; Hab 1:​2-4

  • Okha eso bhi Baibo ne ha sabọ rẹkpa uwẹ:

    • Ps 73:​2-24—Ẹghe nin ọne ọria nọn gbẹn ọne ebe illo nan rẹ daghe ebi emhin rẹ wo ha mhẹn nin eria ọbe yẹ, ọle da ha mhọn edandan si ebe mhẹn nọn nin ọria rẹ sun rẹkhan Jehova

    • Jn 6:​60-62, 66-68—Arẹmiẹn ghe ẹbho ne bunbun zẹ Jesu obọ, urẹọbhọ nin Pita ha mhọnlẹn da rẹkpa ọle rẹ sẹyẹ sun rẹkhan Jesu

Be ha rẹkpa mhan rẹ ha ziẹngbe oya?

Sade mhan sun rẹkhan Jehova

De 30:​19, 20; Rm 15:​5, 6; 1Kọ 10:13

Sade mhan tie Baibo, yẹ ria eria nyan ebi mhan tiele

Ec 7:12; Rm 15:4; Kol 1:​10, 11; 2Pi 3:​15-18

Sade mhan nan erọnmhọn ji Jehova ẹghe rebhe, yẹ taman ọlẹn ebi emhin dia mhan yẹ bhi egbe

Rm 12:12; Kol 4:2; 1Pi 4:7

  • Okha eso bhi Baibo ne ha sabọ rẹkpa uwẹ:

    • Da 6:​4-11—Daniẹl da sẹyẹ wo ha nan erọnmhọn ji Jehova ẹghe rebhe arẹmiẹn ọnojie yọle ghe, ọria ha lu iriọ, a ki gbe ọle a

    • Mt 26:​36-46; Hib 5:7—Bhi ọne ukpasọn nọn kike nin Jesu gbe bhi ọne otọ nan, ọle da wo manman nan erọnmhọn ji Jehova, yẹ taman edibo nesọle nin ele re egbe khọkhọ ọle bhi uwedẹ nin ọle rẹ ha nan erọnmhọn

Sade mhan deba ibhio mhan ha ga Jehova

Rm 1:​11, 12; Hib 10:​23-25

Sade mhan wo ha ria eria nyan ive nin Jehova vele

Rm 8:25; 1Tẹ 1:3; Hib 11:6; 12:​1, 2

Sade mhan manman hoẹmhọn Jehova, ibhio mhan nin mhan ko ga, bi emhin ne gbale

Mt 6:33; 1Kọ 13:​4-7; 1Tẹ 3:​12, 13; 1Jn 4:​18, 19

Sade mhan wo ha ziẹn urẹọbhọ nọnsẹmhan

Ẹfẹ 6:16; 1Jn 5:4; Jud 20, 21

Mhan ha yere ghe ọ dẹ re Jehova ha ghọnghọn sade mhan hẹnmhọn nanlẹn, ọ ki rẹkpa mhan rẹ ziẹngbe oya

Iw 5:​40, 41; Jem 1:​2-4; 1Pi 3:14; 4:​14, 16

Emhin esili nela ha nabhọre sade mhan ziẹngbe sotọ?

Mhan ki sabọ re ogẹn ji Osẹnobulua nin Jehova

Pr 27:11; Jn 15:​7, 8; 1Pi 1:​6, 7

  • Okha eso bhi Baibo ne ha sabọ rẹkpa uwẹ:

    • Job 1:​6-12; 2:​3-5—Esu da yọle ghe, ranmhude Jehova nan erọnmhọn nin ẹbho, yẹ gbega ele, ọle zẹle nin ele da ga ọle. Sokpan, uwedẹ nin Jobu rẹ ziẹngbe ọkakale nin ọle miẹn bhi egbe da rẹman ghe ọbhahoghe Esu khin

    • Rm 5:19; 1Pi 1:​20, 21—Ẹghe nin Adam rẹ miẹn edọnmhẹn, ọle da mhọn akan-ehọ da Osẹnobulua. Bhi obọ nọnkẹle, Jesu da hẹnmhọn nin Osẹnobulua, yẹ ziẹngbe oya sẹbhi ukpẹdẹ uu. Uwedẹ nin ọle rẹ ziẹngbe da rẹman ghe, ọria nọn gba nan dẹ sabọ sun rẹkhan Jehova, aharẹmien ọle miẹn ọkakale bhi egbe

Mhan ha ziẹngbe ọkakale, ọ ki re izebhudu nin ẹbho nekẹle rẹ sabọ ziẹngbe

Fil 1:​13, 14; Jem 5:​10, 11

Iziẹngbe dẹ sabọ rẹkpa mhan bhi iwẹnna itẹmhọn Osẹnobulua nin mhan lu

Ec 11:6; Lu 8:15; 2Pi 1:​5-8

Mhan ha sabọ ziẹngbe, ẹmhọn mhan ki ha ti Jehova bhọ, sẹyẹ, ọle ki nan erọnmhọn nin mhan

Mt 24:13; Lu 21:19; 1Kọ 15:58; Hib 10:36

Sẹyẹ fẹ enan ghe bhi Baibo: Rm 2:​6, 7; Jem 1:12

 

Emhin Ebhebhe Ne Ha Yẹ Ti Uwẹ Bhọ

ẸMHỌN MHAN

Gbẹn Ebe Re Nin Esali Jehova Dọ Ha Man Uwẹ iBaibo

Deba Esali Jehova zilo bhi Baibo la uwẹ ha noo emhanmhan nọn ribhi jw.org nin ọria rẹ tobọle man egbe ọle Baibo.

ADIA NE RIBHI EBENỌNKHIALE NE HA SABỌ RẸKPA MHAN BHI IẸNLẸN

Nan Rẹ Ziẹngbe Oya

Esan
Nan Rẹ Ziẹngbe Oya
https://assetsnffrgf-a.akamaihd.net/assets/ct/f62df3bf2a/images/syn_placeholder_sqr.png
scl apapale 101-103
UWEDẸ KẸKẸ NAN RẸ DANLODI
Nan Rẹ Ziẹngbe Oya
Uwedẹ ikikẹ nan rẹ danlod ebe bhi itanẹt Adia Ne Ribhi Ebenọnkhiale Ne Ha Sabọ Rẹkpa Mhan Bhi Iẹnlẹn