Okha bhi Baibo nọn ha sabọ rẹkpa uwẹ:

• Lu 9:​46-48—Jesu da re adia nin edibo nesọle, ranmhude ọle daghe ọle ghe, bhi ọkhọle nọnsele, ele tẹngbemun

 Okha eso bhi Baibo ne ha sabọ rẹkpa uwẹ:

• Ge 6:​5-7—Bhi ẹghe ọsi Noa, emhin ebe nọn ri eria bhi ọkhọle da re ele ha gbe ugbele. Bhiriọ, Osẹnobulua da re okpamẹn rẹ fuẹn ele a

• 1Ki 11:​1-10—Ranmhude Solomọn nin ojie bha gbega ọkhọle nọnsọle, ọle da dọ ne ikhuo ne i ga Jehova. Ene ikhuo nan da re ọle ha ga ẹbọ

• Mk 7:​18-23—Jesu da yọle ghe, ẹkẹ ọkhọle iria-eria ne i mhẹn na dagbare. Ene iria-eria nan dẹ sabọ re ọria lu ebi Osẹnobulua hele

Okha bhi Baibo nọn ha sabọ rẹkpa uwẹ:

• Ẹfẹ 6:​14-18; 1Tẹ 5:8—Pọl nin odibo da yọle ghe, ikhiale, urẹọbhọ bi oyẹẹ dẹ sabọ gbega ọkhọle nọnsẹmhan beji awegbe ọsi ẹlọnmhọn rẹ gbega udu ọsi ọyokhọnlẹn

Okha eso bhi Baibo ne ha sabọ rẹkpa uwẹ:

• 2Ch 25:​1, 2, 17-27—Ẹghe da ha ribhọ nin Amazaya nin ojie rẹ ha lu ebe gbale bhi ẹlo nọnsi Osẹnobulua, ọrẹyiriọ, ọle bha re ọkhọle rebhe hoẹmhọn Jehova. Ranmhude ọnan, ọle da ha tẹngbemun. Ọle da yẹ mhọn akan-ehọ da Jehova. Bhiriọ, ọle da le oya nọn nabhọre

• Mt 7:​17-20—Jesu da yọle ghe, beji eran nọn i mhẹn rẹ mọn ikpẹ nọn i mhẹn, iriọ ọkhọle nọn i mhẹn rẹ re ọria lu ebe i mhẹn

Okha eso bhi Baibo ne ha sabọ rẹkpa uwẹ:

• 2Ki 20:​1-6—Ẹghe nin Hẹzẹkaya nin ojie rẹ kuẹlo da uu, ọle da bhii Jehova nọn mhọn itohan da ọle, beji a miẹn ghe ọle sẹ wo re ọkhọle rebhe ga Jehova

• Mt 21:​28-32—Jesu da noo ijiẹmhin ọkpa rẹ rẹman ghe, emhin nin ọria gene lu, ọle rẹman ebe ri ọle bhi ọkhọle, ọ i wo gheghe yi ebi ọle yọle ọle dẹ lu

 Okha eso bhi Baibo ne ha sabọ rẹkpa uwẹ:

• 1Sa 16:​1-13—Samuẹl nin akhasẹ da dọ luẹ kere ghe, ọ i yi ebi mhan dia yẹ bhi ẹlo Jehova ghe, sokpan, ebe ri mhan bhi ọkhọle ọle ghe

• 2Ch 6:​28-31—Erọnmhọn nin Solomọn nin ojie nan bhi ẹghe nan rẹ ha re uwa oga guẹ nin Jehova, da rẹman ghe, Jehova sabọ lẹn ebe ri mhan bhi ọkhọle, bhiriọ, ọle ki mhọn itohan da mhan