Ebi uwẹ ha rẹ re ọne ebe nan ha luẹ iBaibo yẹ
Guanọ ọria nọn ha re ọne ebe ha man uwẹ iBaibo: Taman ọria nọn re ọne ebe nin uwẹ nọn dọ deba uwẹ ha luẹ ọle, la uwẹ ha gbẹn ebe re bhi wẹbsaiti nọnsẹmhan, jw.org, nan je ọria bu uwẹ re.
OBỌ NIN ỌHẸNHẸN
Tie ene uduọle kẹkẹ bi inọnta ne ribhọ (A). Tie ene iBaibo ne talọ nyan uhọnmhọn-emhin nan ho nin uwẹ luẹ (B). Yẹ tie iBaibo nan yọle nan “tie.”
ADESẸ ỌLE
Ẹmhọn nan gbẹn ọbhi obọ natiọle Manman Lẹn Otọle Nọnsẹn, ọle rẹkpa ọria rẹ lẹn ebi a ha tẹmhọnlẹn (C). Uhọnmhọn-ọta kẹkẹ ne rẹkhan ọlẹn (D) dẹ talọ nyan emhin kẹkẹ nan ha zilo nyan. Tie iBaibo nan gbẹn ọbhi enin yẹ wanniẹn ene inọnta. Sẹyẹ ghe ene ividio (E).
Fẹ ene ifoto bi emhin nan gbẹn rẹkhan ele ghe (F). Yẹ ria eria nyan ebi uwẹ ha rẹ wanniẹn inọnta nọn ribhi obọ nọn yọle Ẹbho Eso Sabọ Yọle (G).
OBỌ NỌN KIKE
Ẹmhọn nọn ribhi Ebi Mhan Luẹle bi inọnta ne ribhi Uwẹ Be Yẹ Yere? ele a rẹ ku ene iluẹmhin gbe (H). Eji uwẹ ha gbẹn ukpẹdẹ nin uwẹ luẹ ọne iluẹmhin fo yẹ ribhọ. Emhin nin uwẹ ha lu, ọle ribhi obọ natiọle Lu Ọnan (I). Ebe ebhebhe nin uwẹ ha sabọ tie, bi ividio ebhebhe nin uwẹ ha sabọ ghe, ele ribhi obọ natiọle Fẹ Ene Emhin Nan Ghe (J).
Ebi uwẹ ha rẹ miẹn eji a ho nin uwẹ tie yẹ bhi Baibo nọnsẹ
Elin ọsi ọne ebe iBaibo (A), ọle a ka gbẹn, uhọnmhọnlẹn (B) ki rẹkhan ọlẹn, uwẹ kuẹ miẹn ulọnlẹn (C). Bhi ọsi ijiẹmhin, uwẹ ha miẹn John 17:3, ebe nọnsi John, uhọnmhọnlẹn 17, ulọnlẹn nọnzi 3, ọle a tẹmhọnlẹn.
Emhin Ebhebhe Ne Ha Yẹ Ti Uwẹ Bhọ
INỌNTA NIN ẸBHO KẸ NỌỌN
Bebhọ Iluẹmhin IBaibo?
Min ewanniẹn rẹji inọnta rẹji iluẹmhin iBaibo nin man nẹn ẹbho luẹ ọsọhẹ.
