ILUẸMHIN 03
Uwẹ Dẹ Be Sabọ Rẹọ bhi Ẹmhọn Nọn Ribhi Baibo?
Ive ne bunbun wo ribhi Baibo. Iriọ adia yẹ rẹ vuọn ọlẹn. Asabọmiẹn uwẹ guanọ nin uwẹ lẹn ebi Baibo tale, ọkpakinọn, uwẹ sẹyẹ riale, ‘Mẹn dẹ be sabọ rẹọ bhi ene ive bi adia ne ribhi ebe nọn dọmanlẹn sẹnian? Ẹmhọn nin Baibo tale dẹ be gene sabọ rẹkpa mẹn nian? Mẹn dẹ gene sabọ rẹọ bhi ebi ọ tale rẹji ẹghe odalo?’ Eria ne bunbun ribhọ ne rẹọ bhi Baibo. Fẹ emhin eso ghe ne ha sabọ rẹkpa uwẹ rẹọ bhi ebi Baibo tale.
1. Ẹmhọanta okha ne ribhi Baibo be khin?
“Ọta-ẹmhọanta ne gbale,” ele ribhi Baibo. (Ecclesiastes 12:10) Okha ọsi ẹbho ne gene nyẹnlẹn bhi ẹghe ẹdẹlẹ, ele ribhi ẹkẹ ọle. (Tie Luke 1:3; 3:1, 2.) Ene guanọ otọ emhin fẹghe dọ kere ghe, eria bi eje kẹkẹ nin Baibo so ọle unun, rẹ sẹbhi ẹghe kẹkẹ nin Baibo yọle emhin eso rẹ sunu, gene wo gba.
2. Bezẹle nin mhan da yọle ghe Baibo dẹ yẹ sabọ rẹkpa mhan arẹmiẹn ghe ọ ki ree nan gbẹn ọlẹn?
Arẹmiẹn ghe ọ ki manman ree nan gbẹn iBaibo, emhin nan gbẹn ọbhi ẹkẹ ọle sẹyẹ wo gba rẹ sẹbhi ẹlẹnan. Bhi ọsi ijiẹmhin, Baibo zilo nyan emhin eso ne rẹtẹ ẹmhọn azemhinre. Ẹbho ne bunbun bhi ọne agbọn nan bha lẹn otọ ẹmhọn ne sẹnian ẹghe nan rẹ gbẹn ele ọbhi Baibo. Emhin nin ekhẹn azemhinre dọ guanọ otọ ọle fẹghe da rẹman ghe ẹmhọn nin Baibo tale wo gba. “A dẹ sabọ mun udu nyan ele, bhi ejayenan nian rẹ sẹbhi ighegheghe.”—Psalm 111:8.
3. Bezẹle nin mhan ha da sabọ rẹọ bhi ebi Baibo tale rẹji ẹghe odalo?
Ọta akhasẹ * ne bunbun ribhi Baibo ne tẹmhọn “emhin ne bha sẹ sunu.” (Isaiah 46:10) Ikpe ne bunbun ọkuẹsẹ emhin eso sunu, Baibo ki ka tale ọbhi otọ khẹ. Baibo yẹ tẹmhọn ebi emhin ha diayẹ tee bhi ọne ẹghe nọnsẹmhan nan. Bhi ọne iluẹmhin nan, mhan dẹ zilo nyan eso bhi ene ọta akhasẹ nan. Uwedẹ nin ele rẹ munsẹ tee dẹ wo han uwẹ ilo!
MANMAN LẸN OTỌLE NỌNSẸN
Fẹ ebi ẹmhọn nin ekhẹn azemhinre tale rẹ diẹn mun ebi Baibo tale yẹ. Yẹ zilo nyan ọta akhasẹ eso bhi ẹkẹ iBaibo.
4. Ebi ekhẹn azemhinre guanọ otọ ọle fẹghe diẹn mun ebi Baibo tale
Bhi ẹghe ẹdẹlẹ, ẹbho ne bunbun wo rẹọbhọ ghe uke emhin, ọle ọne otọ nan ye. Ghe ọne IVIDIO.
Fẹ ebi ebe nọnsi Job tale ikpe 3,500 ne gbera. Tie Job 26:7, bha ha zilo nyan ọne inọnta nan:
-
Bezẹle nọn da yi emhin ọhan-ilo ghe, Job sabọ lẹn ghe a bha mun ọne otọ nan nyan emhin soso?
Ikpe 200 ne gbera, ọle ekhẹn azemhinre sabọ dọ lẹn otọle ghe, amẹn nọn na bhi otọ hẹ diọbhi okhun, ọle yẹ rọ vae bhi ọne otọ nan. Bhi obọ nọnkẹle, fẹ ebi Baibo tayẹ bhi ikpe 3,500 ne gbera. Tie Job 36:27, 28, bha ha yẹ zilo nyan ene inọnta nan:
-
Bezẹle nin uwedẹ nọn lẹkhẹ nin Baibo rẹ gbe otọ ọne ẹmhọn nan fanọn an da manman ti uwẹ bhọ?
-
Eji mhan tiele nan be ziẹn urẹọbhọ nin uwẹ mhọn da iBaibo?
5. Baibo ka tẹmhọn emhin ne munsẹ bhi ẹghe nọn gbera
Tie Isaiah 44:27–45:2, bha ha zilo nyan ọne inọnta nan:
-
Be hi emhin eso nin Baibo tale ikpe 200 ọkuẹsẹ a khọn iBabylon miotọ?
Ene fẹ otọ emhin ghe gene dọ kẹre ghe, Cyrus nin ojie ọsi Persia bi eyokulo nesọle, ele khọn agbaẹbho ọsi Babylon miotọ bhi ukpe 539 B.C.E. * Ele da naan amẹn nọn ha ribhi ẹdẹ nọn nẹga Babylon diọbhi eje ebhebhe. Ele ki sabọ fan ọne ẹdẹ ra, ele da kere ghe a tuje igeti ọsi ọne agbaẹbho ọbhi otọ. Iriọ ele rẹ nabhi ọne agbaẹbho yẹ re iBabylon obọ sotọ. Ọ bha nọghọ ele. Ẹlẹnan nian, ikpe 2,500 rẹ gbera, a bha kie bọn iBabylon. Enin rebhe sẹyẹ dunmhun an. Fẹ ebi Baibo ka rẹ ta ọnan ọbhi otọ yẹ.
Tie Isaiah 13:19, 20, bha ha zilo nyan ọne inọnta nan:
-
Be emhin nọn sunu ji Babylon rẹ rẹman yẹ ghe ọne ọta akhasẹ nan munsẹ?
Babylon nọn dunmhun sotọ, bhi otọ Iraq
6. Baibo yẹ tẹmhọn emhin ne sunu ẹlẹnan
Baibo tie ọne ẹghe nin mhan da ha nyẹnlẹn nan “ẹghe ọkike.” (2 Timothy 3:1) Fẹ emhin nin Baibo yọle e dẹ ha sunu bhi ọne ẹghe nan.
Tie Matthew 24:6, 7, bha ha zilo nyan ọne inọnta nan:
-
Be iBaibo yọle iẹnlẹn dẹ diayẹ bhi ọne ẹghe nin mhan da nyẹnlẹn nan?
Tie 2 Timothy 3:1-5, bha ha zilo nyan ene inọnta nan:
-
Uwedẹ nela iBaibo yọle ẹbho ha rẹ ha lu emhin bhi ẹghe ọkike?
-
Ọnela bhi ene emhin nan uwẹ sẹ daghe bhi egbe ẹbho?
ẸBHO ESO SABỌ YỌLE: “Okha ọsi emhin ne bha sunu vuọn iBaibo.”
-
Be hi emhin kpataki nọn re uwẹ rẹọbhọ ghe ọta ẹmhọanta gene ribhi Baibo?
EBI MHAN LUẸLE
Emhin ne sunu bhi ẹghe nọn gbera, ebi ekhẹn azemhinre guanọ otọ ọle fẹghe, bi ọta akhasẹ rẹman ghe mhan dẹ sabọ rẹọ bhi ebi Baibo tale.
Uwẹ Be Yẹ Yere?
-
Ẹmhọanta okha ne ribhi Baibo be khin?
-
Be hi emhin eso nin Baibo tale ne diẹn mun ebi ekhẹn azemhinre tale?
-
Uwẹ riale Baibo dẹ sabọ taman mhan ebi ẹghe odalo ha diayẹ? Bezẹle nin uwẹ da ta iriọ?
FẸ ENE EMHIN NAN GHE
Emhin eso be ribhọ nin Baibo tale, ne bha diẹn mun ebi ekhẹn azemhinre tale?
“Ẹmhọn Nọn Ribhi Baibo Be Diẹn Mun Emhin Nin Ekhẹn Azemhinre Tale?” (Ebe nọn ribhi jw.org)
Be ẹmhọn nin Baibo tale rẹji ẹghe ọkike rẹ gene munsẹ yẹ?
“Ọta Akhasẹ Ehan Ne Munsẹ Ẹlẹnan” (The Watchtower, May 1, 2011)
Luẹ ebi ọta akhasẹ nin Baibo tale rẹji ugbẹloghe ọsi Greece rẹ munsẹ yẹ.
Fẹ ebi ọta akhasẹ ne ribhi Baibo rẹ rẹkpa okpea ọkpa rẹ dọ rẹọ bhi Osẹnobulua yẹ.
“Mẹn Bha Rẹ Rẹọbhọ Osẹnobulua Ribhọ” (The Watchtower No. 5 2017)
^ udu ọle 9 Emhin nin Osẹnobulua yọle ọ dẹ sunu bhi ẹghe odalo, ọle hi ọta akhasẹ.
^ udu ọle 25 Ikpe ne gbera ọkuẹsẹ Jesu vae bhi ọne otọ nan, ele hi B.C.E. Ikpe nan ki ha miẹn rẹ na bhi ẹghe nin Jesu rẹ vae fo, ele hi C.E.
Emhin Ebhebhe Ne Ha Yẹ Ti Uwẹ Bhọ
INỌNTA NIN ẸBHO KẸ NỌỌN
Bebhọ Iluẹmhin IBaibo?
Min ewanniẹn rẹji inọnta rẹji iluẹmhin iBaibo nin man nẹn ẹbho luẹ ọsọhẹ.
