ILUẸMHIN 05
Obọ Osẹnobulua Baibo Na Vae
Ẹsele nọn khua nọn na obọ iJehova vae, ọle iBaibo khin. Ebe kẹkẹ ne bun sẹbhi 66, ele ribhi ẹkẹ ọle. Uwẹ sabọ rẹ ha riale: ‘Be a rẹ gbẹn iBaibo yẹ? Họla nyan ẹmhọn ne ribhi ẹkẹ ọle?’ Nin mhan rẹ miẹn ewanniẹn rẹji ene inọnta nan, ji mhan zilo nyan ebi Baibo rẹ sẹ mhan bhi obọ yẹ.
1. Ahamiẹn eria gbẹn iBaibo, bezẹle nin mhan da yọle obọ Osẹnobulua ọ na vae?
Ikpea 40, ele gbẹn iBaibo. Ikpe 1,600 a rẹ gbẹn ọlẹn fo, rẹ nabhi ukpe 1513 B.C.E. rẹ dọ sẹ egbẹghe ukpe 98 C.E. Eria kẹkẹ ene ikpea ne gbẹn iBaibo khin. Ọrẹyiriọ, emhin rebhe nin ele gbẹnlẹn da wo diẹn kugbe. Be ọnan rẹ sabọ dia iriọ yẹ? Ranmhude, obọ Osẹnobulua, ọle Baibo na vae. (Tie 1 Thessalonians 2:13.) Eria ne gbẹn iBaibo bha gbẹn ebe ribhi ọkhọle nọnsele. “Ọta nọn na bhi obọ Osẹnobulua vae” ele gbẹnlẹn, “beji ẹlinmhin nọn khiale rẹ ha dia ele.” a (2 Peter 1:21) Osẹnobulua re ẹlinmhin nọn khiale rẹ dia ele, beji ele ha da sabọ gbẹn ebe ribhi ọkhọle nọnsọle ọbhi otọ.—2 Timothy 3:16.
2. Be iBaibo kpọ sẹ yẹ bhi ọne agbọn nan?
Osẹnobulua yọle ghe, “agbaẹbho rebhe, urolo rebhe, bi ẹbho rebhe,” ele ha miẹn elele bhi uhọnmhọnje nọn ribhi ẹkẹ iBaibo. (Tie Revelation 14:6.) Ẹlẹnan nian, Baibo hi ebe nan sẹ gbẹn diọbhi urolo kẹkẹ nẹ bhi ọne agbọn nan. Eji ọ hi rẹ khin nin ẹbho ye bhi ọne agbọn nan, ele dẹ sabọ miẹn iBaibo tie la kaehọ ọle.
3. Be iJehova rẹ gbega iBaibo yẹ nọn da sabọ tọ sẹbhi ẹghe nọnsẹmhan?
Ẹghe nin ikpea ne gbẹn iBaibo rẹ gbẹn ọlẹn, emhin bọsi ohian elanmhẹn, la ebe nọn imanman tọ natiọle paparọs, ọle ele gbẹn ọlẹn ọi. Ọkpakinọn, ikpea eso ne hoẹmhọn iBaibo da ki gbẹnẹn ebe ribhi Baibo diọbhi ebe kẹkẹ. Arẹmiẹn eso bhi ene gbẹloghe bi ene mun ọkalo bhi oga rẹ ha guanọ nin ele khue iBaibo lo, ene ikpea nan da mun iẹnlẹn nọnsele ọbhi okhẹnan, yẹ dọnmhegbe rẹ gbega iBaibo. Jehova bha re otọ nin emhin soso re mun idobolo ọbhọ, nan miẹn ghe ọle bha yẹ sabọ ne mhan talọ. Baibo da yọle: “Ọta nọnsi Osẹnobulua nọnsẹmhan dẹ ha ribhọ rẹ sẹbhi ighegheghe.”—Isaiah 40:8.
MANMAN LẸN OTỌLE NỌNSẸN
Manman luẹ ebi Osẹnobulua rẹ noo ẹbho rẹ gbẹn iBaibo yẹ, ebi ọle rẹ gbega ọle yẹ, bi ebi ọle lu nọn da sabọ sẹ ọrebhe obọ.
4. Baibo ji mhan lẹn ọnọn nyan ọlẹn
Ghe ọne IVIDIO. Tie 2 Timothy 3:16, bha ha zilo nyan inọnta ne ribhi otọle.
-
Ahamiẹn eria gbẹn iBaibo, bezẹle nan da tiọle Ọta nọnsi Osẹnobulua?
-
Uwẹ be rẹọbhọ ghe Osẹnobulua dẹ sabọ taman eria ebi ele ha gbẹn ọbhi otọ?
Akọwe sabọ ne ọwanlẹn nọnsọle gbẹn ilẹta. Ọkpakinọn, ọne ọwanlẹn nyan ọne ilẹta, ranmhude, ọle taman ọne akọwe ebi ọle ha gbẹn ọbhọ. Iriọ sẹyẹ nọn. Eria gbẹn iBaibo, ọkpakinọn, Osẹnobulua nyan ọlẹn, ranmhude, obọ ọle uhọnmhunje nọn ribhọ na vae
5. Baibo da sẹyẹ ha ribhọ arẹmiẹn ẹbho eso rẹ ha guanọ nin ele khue ọle lo
Ranmhude obọ Osẹnobulua iBaibo na vae, ọle zẹle nin ọle da gbega ọle sẹbhi ẹlẹnan arẹmiẹn eria eso ha guanọ nin ele khue ọle lo. Ene mun ọkalo bhi otuẹ bhọ da ha guanọ nin ẹbho hẹi miẹn ọlẹn tie. Emhin rẹ dia iriọ, eria ne bunbun da mun iẹnlẹn nọnsele ọbhi okhẹnan nin ele rẹ gbega iBaibo. Nin uwẹ rẹ luẹ ẹmhọn okpea ọkpa nọn lu emhin nọn sẹriọ, ghe ọne IVIDIO, bha ha zilo nyan ene inọnta nan:
-
Uwedẹ nin ẹbho rẹ mun iẹnlẹn nọnsele ọbhi ọkhẹnan rẹ gbega iBaibo be manman re ọle ha ti uwẹ bhọ rẹ tie? Bezẹle nin uwẹ da ta iriọ?
Tie Psalm 119:97, bha ha zilo nyan ọne inọnta nan:
-
Be re ẹbho ne bunbun mun iẹnlẹn nọnsele ọbhi okhẹnan rẹ gbẹn iBaibo diọbhi urolo kẹkẹ, yẹ ha gha ọle nẹga?
6. Ebe nin ẹbho rebhe ha sabọ miẹn tie
Baibo hi ebe nan ki sẹ gbẹn diọbhi urolo kẹkẹ nẹ bhi otọ agbọn rebhe. Ọle a sẹ yẹ gha nẹga nẹ. Tie Acts 10:34, 35, bha ha zilo nyan ene inọnta nan:
-
Bezẹle nin Osẹnobulua da ha guanọ nan manman re inian zedu iBaibo?
-
Be hi emhin nọn manman re ẹmhọn iBaibo ha ti uwẹ bhọ?
Khere kẹre nin
ọrebhe
bhi ọne otọ agbọn nan
rẹ miẹn iBaibo tie bhi urolo nọnsele
A sẹ wo gbẹn iBaibo rebhe, la ebe eso bhi Baibo diọbhi
urolo nọn bun gbera
3,000
Ọ dẹ sẹbhi ikpọle
5,000,000,000
nan sẹ printi dagbare. Ọle a sẹ printi gbera ebe nọn hi ki rẹ khin
ẸBHO ESO SABỌ YỌLE: “Ebe nin eria eso gheghe gbẹn bhi ẹghe agbọn-ọba, ọle Baibo khin.”
-
Be uwẹ riale yẹ?
-
Be rẹman uwẹ ghe, obọ Osẹnobulua, ọle Baibo na vae?
EBI MHAN LUẸLE
Ọta nọnsi Osẹnobulua, ọle ribhi Baibo. Osẹnobulua sẹyẹ lu ọle, nọn da sẹ ọrebhe obọ.
Uwẹ Be Yẹ Yere?
-
Be Osẹnobulua rẹ rẹkpa ẹbho rẹ gbẹn iBaibo yẹ?
-
Bezẹle nin uwedẹ nan rẹ gbega iBaibo, zedu ọle diọbhi urolo kẹkẹ, yẹ gha ọle nẹga da ti uwẹ bhọ?
-
Be ọ dia uwẹ bhi egbe yẹ, ghe Osẹnobulua lu ene emhin nan rebhe, nin uwẹ da sabọ miẹn ọta nọnsọle tie bhi Baibo?
FẸ ENE EMHIN NAN GHE
Tie okha nọn tẹmhọn ebi Baibo nan gbẹn bhi ẹghe ẹdẹlẹ rẹ sẹbhi ẹghe nọnsẹmhan yẹ.
“Ebi Baibo Rẹ Sẹbhi Ẹghe Nọnsẹmhan Yẹ” (Awake!, November 2007)
Luẹ ebi Baibo rẹ sẹbhi ẹghe nọnsẹmhan yẹ, arẹmiẹn emhin ea ribhọ ne ha rẹ zẹ ọ bha sẹbhi ẹghe nọnsẹmhan.
“Baibo Da Sẹyẹ Tọ Sẹbhi Ẹghe Nọnsẹmhan” (The Watchtower No. 4 2016)
Ghe ividio nọn tẹmhọn ẹbho ebhebhe ne mun iẹnlẹn nọnsẹle ọbhi okhẹnan rẹ zedu iBaibo.
Arẹmiẹn ẹbho na bhi Baibo nan ka gbẹn, gbẹn ọlẹn diọbhi ebe ọbhebhe, yẹ zedu ọle diọbhi urolo ne bunbun, bezẹle nin mhan ha da sabọ rẹọbhọ ghe, ẹmhọn nọn ribhi Baibo bha fidenọ?
a Beji mhan ha luẹ kere bhi iluẹmhin nọnzi 7, mhan dẹ kere ghe ẹlinmhin nọn khiale, ọle hi ahu nin Osẹnobulua rẹ lu emhin.
Emhin Ebhebhe Ne Ha Yẹ Ti Uwẹ Bhọ
INỌNTA NIN ẸBHO KẸ NỌỌN
Bebhọ Iluẹmhin IBaibo?
Min ewanniẹn rẹji inọnta rẹji iluẹmhin iBaibo nin man nẹn ẹbho luẹ ọsọhẹ.
