Uwẹ be sẹ ka yo ikolo oga ọsi Esali Jehova khẹ? Ahamiẹn uwẹ bha sẹ ka yo khẹ, ofẹn sabọ ha mun uwẹ, ranmhude, uwẹ bha lẹn ebi a rẹ lu emhin yẹ bhi enin. Uwẹ sabọ ha riale: ‘Be a lu bhi ene ikolo nan? Bezẹle ne da yi emhin kpataki? Bezẹle nọn da khẹke nin mẹn yo?’ Bhi ọne uhọnmhọn-ọta nan, uwẹ dẹ luẹ ebi ikolo oga ha rẹ sabọ rẹkpa uwẹ sikẹ Osẹnobulua yẹ. Uwẹ dẹ yẹ luẹ uwedẹ ọbhebhe nin ene ikolo ha rẹ sabọ rẹkpa uwẹ.

1. Be hi emhin kpataki nọn zẹle nin Esali Jehova da yo ikolo oga?

Fẹ ebi ọkpa bhi eria ne gbẹn ebe nọnsi Psalm tale rẹji emhin kpataki nọn zẹle nin mhan da yo ikolo oga. Ọle da yọle: “Bhi agbotu nọn khua, mẹn dẹ gẹn iJehova.” (Psalm 26:12) Iriọ ọ yẹ rẹ ti Esali Jehova bhọ, nin ele rẹ ha si egbe koko ga Osẹnobulua. Bhi otọ agbọn rebhe, Esali Jehova mhọn ikolo nin ele do uzana-uzana. Bhi ene ikolo nan, ele so illo yẹ nan erọnmhọn rẹ ga Osẹnobulua. Ukpe-ukpe, ele yẹ do usikoko kẹkẹ.

2. Be uwẹ ha miẹn luẹ sade uwẹ yo ikolo oga ọsi Esali Jehova?

Baibo a rẹ man emhin bhi ene ikolo nan. A ki “gbotọle fanọn an, yẹ rẹ ebi ọ mundia nan man nọnsẹn.” (Tie Nehemiah 8:8.) Bhi enin, uwẹ dẹ sabọ luẹ ẹmhọn Jehova bi ikpẹ esili nesọle. Beji uwẹ ha rẹ ha luẹ ẹmhọn oyẹẹ nin ọle mhọn da uwẹ, uwẹ ki manman ha sikẹ ọle. Uwẹ ki yẹ dọ kere ghe, ọle dẹ sabọ rẹkpa uwẹ ha mhọn iẹnlẹn nin eghọnghọn ye.—Isaiah 48:​17, 18.

3. Be ẹbho nin uwẹ ha miẹn bhi ene ikolo ha rẹ sabọ rẹkpa uwẹ yẹ?

Jehova yọle nin mhan ‘ji ẹmhọn ibo mhan ha rẹtẹ mhan, nin mhan da re ele ha mhọn ọtibhọ rẹ ha re ahoẹmhọn-egbe man yẹ lu iwẹnna esili. Nin mhan hẹi ha gbẹdẹ bhi usikoko nesẹmhan.’ (Hebrews 10:​24, 25) Uwẹ ha vae bhi ikolo oga nesẹmhan, uwẹ ki kere ghe ọrebhe wo hoẹmhọn egbe. Sẹyẹ, ele dọnmhegbe rẹ ha ga Osẹnobulua beji uwẹ lu. Uwẹ dẹ yẹ daghe ọle ghe ọrebhe bhi enin re ọta nin ele ta rẹ re izebhudu ne egbe. (Tie Romans 1:​11, 12.) Uwẹ ki sabọ lẹn ibhio mhan kẹkẹ ne sẹyẹ re eghọnghọn ga Osẹnobulua arẹmiẹn ele mhọn ọnoghọ. Enan hi emhin eso ne zẹle nin Jehova da guanọ nin mhan ha si egbe koko ga ọle ẹghe rebhe.

 MANMAN LẸN OTỌLE NỌNSẸN

4. Ebi a lu bhi ikolo oga ọsi Esali Jehova

Ẹghe rebhe iKristiẹn bhi ore nin ọhẹnhẹn rẹ ha sikoko nin ele rẹ ga iJehova. (Romans 16:​3-5) Tie Colossians 3:​16, bha ha zilo nyan ọne inọnta nan:

• Be iKristiẹn bhi ore nin ọhẹnhẹn rẹ ha ga yẹ?

1. A re ọta ogbakha, arẹman, bi vidio man bhi ikolo oga nọnsẹmhan. Erọnmhọn bi illo a rẹ mun ọne ikolo hẹn, ọle a yẹ rẹ kpẹn ọlẹn

2. Ahamiẹn a lu obọ nan da zilo, uwẹ dẹ sabọ talọ bhọ sadẹ ọ ghọn uwẹ

3.   Ọrebhe dẹ sabọ vae bhi ene ikolo—ikpea, ikhuo, ibhokhan bi ewanlẹn

4. Esali Jehova ikoko igho bhi ikolo oga nọnsele

5. Dọnmhegbe nin uwẹ rẹ ha yo ikolo oga

• Bezẹle nọn da khẹke nin mhan ha yo ikolo oga ẹghe rebhe?

 EBI MHAN LUẸLE

Uwẹ ha yo ikolo oga, ọ dẹ rẹkpa uwẹ rẹ luẹ ẹmhọn iJehova, ziẹn ikolu nin uwẹ bi ọle ko mhọnlẹn, yẹ deba ẹbho ebhebhe ha ga ọle.

Uwẹ Be Yẹ Yere?

• Bezẹle nin Jehova da taman mhan nin mhan ha si egbe koko?

• Be uwẹ ha miẹn luẹ bhi ikolo oga ọsi Esali Jehova?

• Uwẹ riale ghe uwedẹ ọbhebhe ribhọ nin ikolo oga nọnsẹmhan ha rẹ sabọ rẹkpa uwẹ?