Elele ribhọ sade mhan dọnmhegbe rẹ ha luẹ iBaibo. Ọkpakinọn, ọ iyi emhin nọn lẹkhẹ. Ẹgheso, emhin eso sabọ re uwẹ ha guanọ nin uwẹ zobọ bhi Baibo nin uwẹ luẹ. Bezẹle nọn da khẹke nin uwẹ dọnmhegbe rẹ sẹyẹ ha luẹ iBaibo? Be ha sabọ rẹkpa uwẹ rẹ sẹyẹ ha luẹ iBaibo aharẹmiẹn ọnọghọ zegbere?

1. Bezẹle nin Baibo nin uwẹ luẹ da yi uhọnmhọn-emhin kpataki?

“Ọta nọnsi Osẹnobulua nyẹnlẹnmhin, ọ yẹ mhọn ahu.” (Hebrews 4:​12) Ebe nọn manman lu uhọnmhọn-emhin Baibo khin, ranmhude, ọ dẹ sabọ rẹkpa uwẹ rẹ lẹn ebi ẹmhọn uwẹ dia iJehova yẹ bhi egbe, bi emhanmhan nin ọle mhọn da uwẹ. Baibo dẹ sabọ rẹkpa uwẹ rẹ ha mhọn ilẹnmhin. Rẹ gbera ọnin, ọ ki rẹkpa uwẹ rẹ ha mhọn ẹwanlẹn bi ikhuaẹloghe. Ọnọn ki lu uhọnmhọn-emhin nẹ hi, ọ ki rẹkpa uwẹ rẹ ha yi ọmọẹ iJehova. Beji uwẹ ha rẹ ha tie iBaibo, ọkhẹke nin uwẹ ji ebi uwẹ tie ha rẹso iẹnlẹn nọnsẹ.

2. Bezẹle nọn da khẹke nin uwẹ lẹn ebi ẹmhọanta ne ribhi Baibo lu uhọnmhọn-emhin sẹyẹ?

Ẹmhọanta ne ribhi ẹkẹ iBaibo wo manman lu uhọnmhọn-emhin. Ọnin zẹle nin Baibo da taman mhan yọle: “Dẹ ẹmhọanta, hẹi khiẹn ọlẹn.” (Proverbs 23:23) Ahamiẹn mhan lẹnmhin ghe ẹmhọanta ne ribhi ẹkẹ iBaibo manman lu uhọnmhọn-emhin, mhan ki manman ha dọnmhegbe nin mhan rẹ sẹyẹ ha luẹ iBaibo, aharẹmiẹn mhan kuẹlo da ọkakale.—Tie Proverbs 2:​4, 5.

3. Be iJehova ha rẹ rẹkpa uwẹ yẹ, nin uwẹ rẹ situa ha luẹ iBaibo?

Jehova nọn man uwẹ, nọn yẹ yi ọmọẹ ẹ, guanọ nin ọle rẹkpa uwẹ rẹ luẹ ẹmhọn ọlẹn. Ọle dẹ sabọ ‘rẹ ọne ọkhọle bi ọne ahu nin uwẹ rẹ lu emhin.’ (Tie Philippians 2:​13.) Bhiriọ, ẹghe nọn hi ki rẹ khin nin uwẹ rẹ guanọ ọne ọhubhudu nin uwẹ rẹ luẹ iBaibo, Jehova dẹ rẹkpa uwẹ. Ọle dẹ re ọne ahu nin uwẹ rẹ khọn ene emhin ne mun idobolo ọbhi Baibo nin uwẹ luẹ. Ha bhii Jehova ẹghe rebhe nin ọle rẹkpa uwẹ rẹ sẹyẹ ha luẹ iBaibo.—1 Thessalonians 5:​17.

 MANMAN LẸN OTỌLE NỌNSẸN

4. Ji Baibo nin uwẹ luẹ ha yi emhin nọn lu uhọnmhọn-emhin bhi ẹlo nọnsẹ

Ẹgheso, mhan sabọ ha riale ghe, ranmhude emhin ne bunbun nin mhan lu bhi obọ, mhan iyẹ mhọn ẹghe nin mhan ha rẹ ha luẹ iBaibo. Be ha sabọ rẹkpa mhan? Tie Philippians 1:​10, bha ha zilo nyan ene inọnta nan:

• Emhin nela uwẹ riale e “lu okpemhin nẹ” bhi iẹnlẹn?

• Be uwẹ ha rẹ rẹman yẹ ghe, Baibo nin uwẹ luẹ manman lu uhọnmhọn-emhin?

1. Uwẹ ha ka zẹ ekẹn ọbhi bọkẹti uwẹ kuẹ ne udo ba ọle, ene udo rebhe ida nabhọ

2. Ọkpakinọn, ahamiẹn ene udo uwẹ ka ne ọbhi ẹkẹ ọle, otọ ki yẹ gua ene ekẹn. Asabọmiẹn obhi ekẹn khere ọkpa ha kẹre. Iriọ yẹ nọn. Ahamiẹn uwẹ mun emhin ne lu uhọnmhọn-emhin nẹ kalo bhi iẹnlẹn, uwẹ dẹ yẹ miẹn ẹghe rẹ lu emhin nekẹle

Baibo nin mhan luẹ, ọle hi uwedẹ ọkpa nin mhan ha rẹ rẹman ghe, mhan khu ọbhi emhin ne ha rẹ mhan sikẹ Osẹnobulua. Tie Matthew 5:​3, bha ha yẹ zilo nyan ọne inọnta nan:

• Elele nela mhan ha sabọ miẹn sade mhan mun Baibo nin mhan luẹ kalo bhi iẹnlẹn?

 5. Hẹi ji egbe lọ uwẹ aharẹmiẹn eria de uwẹ idobolo

6. Mun udu nyan iJehova, ọle dẹ rẹkpa uwẹ

 EBI MHAN LUẸLE

Aharẹmiẹn ọ bha lẹkhẹ nin uwẹ ẹgheso, yẹ situa ha luẹ iBaibo, ranmhude ọ dẹ rẹkpa uwẹ rẹ miẹn iẹnlẹn ọsi ighegheghe. Ha mun udu nyan iJehova, ọle dẹ re rẹkpa uwẹ.

Uwẹ Be Yẹ Yere?

• Bezẹle nin ẹmhọanta ne ribhi Baibo da ghan bhi ẹlo nọnsẹ?

• Be uwẹ ha rẹ rẹman yẹ ghe, uwẹ khu ọbhi emhin ne lu uhọnmhọn-emhin nẹ?

• Bezẹle nọn da khẹke nin uwẹ ha bhii Jehova ẹghe rebhe nin ọle rẹkpa uwẹ rẹ situa ha luẹ iBaibo?