ILUẸMHIN 18
Be Uwẹ Ha Rẹ Lẹn IKristiẹn Ọsaje Yẹ?
Eria ne bunbun ne yo otuẹ yọle ghe, iKristiẹn ele khin. Ọkpakinọn, iman-emhin nesele rebhe wo dikẹ. Uwedẹ nin ele rẹ nyẹnlẹn yẹ wo dikẹ. Bhiriọ, be imhan ha rẹ lẹn iKristiẹn ọsaje yẹ?
1. Be a re iKristiẹn ta?
Ẹbho ne rẹkhan iJesu, ele a tiọle iKristiẹn. (Tie Acts 11:26.) Be ele rẹ rẹman yẹ ghe ene rẹkhan iJesu ele khin? Jesu da yọle: “Edibo nesẹmhẹn bha gene khin sade bha re obọ rẹkhan ebi mẹn taman bha.” (John 8:31) Ọnan rẹman ghe ene gene rẹkhan iJesu dẹ ha re obo rẹkhan iman-emhin nesọle. Sẹyẹ, beji Jesu rẹ ha re Ebenọnkhiale rẹ man emhin, iriọ ọ yẹ khẹke nin ene gene rẹkhan iJesu ha lu.—Tie Luke 24:27.
2. Be iKristiẹn ọsaje rẹ re oyẹẹ man yẹ?
Jesu da taman ene rẹkhan ọlẹn yọle: “Bha hoẹmhọn ibo bha beji mẹn rẹ hoẹmhọn bha.” (John 15:12) Be iJesu rẹ rẹman yẹ ghe ọle hoẹmhọn edibo nesọle? Ọle da deba ele ha zibue, re izebhudu nin ele, yẹ rẹkpa ele. Rẹ deba ọnan, ọle da re iẹnlẹn nọnsọle rẹ zọese nin ele. (1 John 3:16) Iriọ iKristiẹn ọsaje yẹ rẹ re oyẹẹ man. Oyẹẹ nọnsele iyi ọsi ikpunun. Ele re ọle man bhi uwedẹ nin ele rẹ talọ bi uwedẹ nin ele rẹ lu emhin.
3. Be hi iwẹnna nin ẹbho ne gene rẹkhan iJesu lu?
Ẹsọn ribhọ nin Jesu mun nin edibo nesọle. “Ọle da je ele dagbare nin ele dọ ha wewe ẹmhọn Agbejele nọnsi Osẹnobulua.” (Luke 9:2) Kristiẹn bhi ore nin ọhẹnhẹn wo ha tẹmhọn Osẹnobulua. Ọ iyi uwa oga ọkpa ele da ha tale. Ele yẹ ha tale na bhi ukuwa rẹ sẹbhi ukuwa. (Tie Acts 5:42; 17:17.) Iriọ ene gene rẹkhan iJesu yẹ lu ẹlẹnan. Ele wo tẹmhọn Osẹnobulua na bhi ije rebhe. Ranmhude ele hoẹmhọn ẹbho, ọ yẹẹ ele rẹ ha noo ahu bi ẹghe nọnsele rẹ taman ẹbho uhọnmhunje nọn ribhi Baibo, nọn ha sabọ re ikoudure bi ikhuaẹloghe nin ele.—Mark 12:31.
MANMAN LẸN OTỌLE NỌNSẸN
Fẹ emhin eso ghe ne re iKristiẹn ọsaje dikẹ bhi Kristiẹn ọsi ikpunun.
4. Ele manman gua otọ iBaibo nin ele rẹ lẹn ẹmhọanta
Kristiẹn bhi ore nin ọhẹnhẹn hoẹmhọn Ọta nọnsi Osẹnobulua
Ọ iyi ọrebhe ne yọle iKristiẹn ele khin gua otọ iBaibo yẹ re obọ rẹkhan ọlẹn. Ghe ọne IVIDIO, bha ha zilo nyan inọnta nọn rẹkhan ọlẹn.
-
Be otuẹ eso lu nin ele rẹ re ẹmhọanta nọn ribhi ẹkẹ iBaibo he?
Ẹmhọanta nọn ribhi Baibo, ọle iJesu ha man. Tie John 18:37, bha ha zilo nyan ọne inọnta nan:
-
Beji Jesu tale, be imhan ha rẹ sabọ lẹn iKristiẹn ọsaje yẹ?
5. Ele wewe ẹmhọn Osẹnobulua
Kristiẹn bhi ore nin ọhẹnhẹn da ha tẹmhọn Osẹnobulua
Ọkuẹsẹ Jesu fikie diọbhi okhun, ọle da mun ẹsọn nin edibo nesọle. Ene gene rẹkhan iJesu sẹyẹ miẹn ọne ẹsọn nan ẹlẹnan. Tie Matthew 28:19, 20 bi Acts 1:8, bha ha yẹ zilo nyan ọne inọnta nan:
-
Ejela ene rẹkhan iJesu ha tẹmhọn ọne Agbejele na?
6. Ele lu rẹkhan emhin nin ele man
Be rẹkpa okpea ọkpa natiọle Tom rẹ rẹọbhọ ghe, ọle miẹn oga ẹmhọanta? Ghe ọne IVIDIO, bha ha yẹ zilo nyan inọnta ne rẹkhan ọlẹn.
-
Beji Tom tale bhi ọne ividio, be rẹ ẹmhọn oga khan ọlẹn?
-
Be re ọle rẹọbhọ ghe ọle miẹn ene gene rẹkhan iJesu?
Emhin nin ọria lu, ọle a rẹ lẹn unan ọria nin ọle gene khin. Tie Matthew 7:21, bha ha yẹ zilo nyan ọne inọnta nan:
-
Be bhọ ti Jesu bhọ nẹ—ebi mhan re ikpunun ta la ebi mhan gene lu?
7. Ele wo hoẹmhọn egbe
Kristiẹn bhi ore nin ọhẹnhẹn wo ha re oyẹẹ man
Kristiẹn ọsaje be gene mun iẹnlẹn nọnsele ọbhi okhẹnan ranmhude ibhio ele? Ghe ọne IVIDIO, bha ha zilo nyan inọnta ne rẹkhan ọlẹn.
-
Beji mhan daghe bhi ọne ividio, be re obhio mhan nin Lloyd mun iẹnlẹn nọnsọle ọbhi okhẹnan nin obhio mhan nin Johansson?
-
Uwẹ be riale emhin nọn khẹke nin Kristiẹn ọsaje ha lu, ọle Lloyd lu?
Tie John 13:34, 35, bha ha zilo nyan ene inọnta nan:
-
Uwedẹ nela edibo nesi Jesu (Kristiẹn ọsaje) ha rẹ ha ne ẹbho lu emhin, aharẹmiẹn agbaẹbho ọbhebhe ele na vae?
-
Be ele ha rẹ re ahoẹmhọn-egbe man yẹ bhi ẹghe okhọnlẹn?
ẸBHO ESO SABỌ YỌLE: “Ene yọle otuẹ ele yo, ele sẹ lu emhin ebe nẹ bhi ọne agbọn nan. Be oga nọnsele ha rẹ ha yi oga ẹmhọanta yẹ?”
-
Ejela uwẹ ha tie man eria ne sẹriọ bhi Baibo, nin uwẹ rẹ rẹman ele ebi ele ha rẹ sabọ lẹn iKristiẹn ọsaje yẹ?
EBI MHAN LUẸLE
Ene gene rẹkhan iJesu re obọ rẹkhan ebi Baibo tale. Ele re oyẹẹ ọsaje man. Ele yẹ man ẹbho ẹmhọanta nọn ribhi Baibo.
Uwẹ Be Yẹ Yere?
-
Be iKristiẹn ọsaje noo rẹ man ẹbho emhin?
-
Ikpẹ nela a rẹ lẹn ene gene rẹkhan iJesu?
-
Iwẹnna nela ene gene rẹkhan iJesu lu?
FẸ ENE EMHIN NAN GHE
Luẹ ẹmhọn otu oga nin ẹbho da dọnmhegbe rẹ ha re egbe khọkhọ iJesu yẹ re obọ rẹkhan iman-emhin nesọle.
Fẹ ebe rẹkpa okhuo ọkpa nọn rẹ ka ha yi sista bhi otuẹ iCatholic rẹ dọ deba iKristiẹn ọsaje.
“Ele Da Re IBaibo Rẹ Wanniẹn Inọnta Nesẹmhẹn Rebhe!” (The Watchtower, April 1, 2014)
Fẹ ebi Kristiẹn ọsaje rẹ re oyẹẹ man ibhio ele yẹ ẹghe nin emhin idunmhuri rẹ sunu.
Ebi Mhan Rẹ Rẹkpa Ibhio Mhan Yẹ Sade Emhin Idunmhuri Sunu—Ukpọkhere (3:57)
Uwedẹ nin Kristiẹn bhi ore nin ọhẹnhẹn rẹ ha lu emhin, ọle iKristiẹn ọsaje yẹ rẹ lu emhin ẹlẹnan. Fẹ ebi ọnan rẹ rẹman yẹ ghe, ene gene rẹkhan iJesu ele khin.
“Be Hi Ikpẹ Nan Rẹ Lẹn IKristiẹn Ọsaje?” (The Watchtower, March 1, 2012)
Emhin Ebhebhe Ne Ha Yẹ Ti Uwẹ Bhọ
INỌNTA NIN ẸBHO KẸ NỌỌN
Bebhọ Iluẹmhin IBaibo?
Min ewanniẹn rẹji inọnta rẹji iluẹmhin iBaibo nin man nẹn ẹbho luẹ ọsọhẹ.
