ILUẸMHIN 21
Hela Tẹmhọn Agbejele Nọnsi Osẹnobulua Ẹlẹnan?
Jehova de kẹ re Agbejele nọnsọle rẹ re ọkpẹnlẹn ọbhi ọnọghọ rebhe ne ribhi ọne agbọn nan ẹlẹnan. Uhọnmhunje nọn khẹke nin ẹbho rebhe họn khọnan. Jesu da taman edibo nesọle nin ele dọ ha wewe ọne uhọnmhunje nan man ẹbho. (Matthew 28:19, 20) Be Esali Jehova rẹ re obọ rẹkhan ẹmhọn nin Jesu tale yẹ?
1. Be ẹmhọn nọn ribhi Matthew 24:14 rẹ munsẹ yẹ ẹlẹnan?
Jesu yọle ghe, “ọne ọta nọn mhẹn ọsi Agbejele nan, a dẹ wewe ọle na bhi eji eria hi ki rẹ ha ye bhi ọne otọ nan rebhe.” (Matthew 24:14) Ọ manman wo re Esali Jehova ghọnghọn nin ele rẹ ha lu ọne iwẹnna nan. Mhan wo tẹmhọn Agbejele nọnsi Osẹnobulua bhi ọne otọ agbọn nan rebhe bhi urolo ne bun gbera uli. Ọne ẹsọn nan iyi obhi ẹsọn khere. Ahu nọnsi Jehova mhan rẹ ha lu ọle.
2. Be imhan rẹ wẹnna kaka yẹ rẹ tẹmhọn Osẹnobulua man ẹbho?
Mhan manman wo dọnmhegbe nin mhan rẹ tẹmhọn Osẹnobulua man ẹbho bhi eji ọ ki rẹ khin nin mhan da miẹn ele. Bọsi Kristiẹn bhi ore nin ọhẹnhẹn, mhan yẹ dọnmhegbe rẹ tẹmhọn Osẹnobulua “na bhi ukuwa rẹ sẹbhi ukuwa.” (Acts 5:42) Ọne uwedẹ nan wo rẹkpa mhan rẹ ha miẹn ẹbho ne bunbun tẹmhọn Osẹnobulua man. Ọkpakinọn, ranmhude ẹbho ne bunbun ribhọ nan ikere bhi uwa, mhan sẹyẹ tẹmhọn Osẹnobulua man ẹbho bhi ughe. Mhan wo noo isẹhoa nọn ki rẹ khin nọn zegbere rẹ tẹmhọn iJehova bi iho nọnsọle.
3. Hela ọne ẹsọn nan rẹ tẹmhọn Agbejele khẹke?
Ọkheke nin ọrebhe ne gene rẹkhan iJesu ha tẹmhọn ọne Agbejele man ẹbho. Mhan ire obọ ikpẹghẹdẹ mun ọne ẹsọn nan. Mhan manman dọnmhegbe nin mhan rẹ lu eka nin mhan ha sabọ lu bhi ọne iwẹnna, ranmhude, mhan lẹnmhin ghe, ọ dẹ re ẹbho miuhọnmhọn. (Tie 1 Timothy 4:16.) A iha mhan osa bhi ọne iwẹnna, ranmhude Baibo yọle: “Ọsọhẹ a rẹ re nin bha, bha yẹ ha re nin ẹbho ọsọhẹ.” (Matthew 10:7, 8) Arẹmiẹn ẹbho eso ika mhan ehọ, mhan sẹyẹ lu ọne iwẹnna itẹmhọn Osẹnobulua, ranmhude, uwedẹ ọkpa nọn nin mhan rẹ ga iJehova. Ọne iwẹnna yẹ re iJehova ghọnghọn.
MANMAN LẸN OTỌLE NỌNSẸN
Luẹ ebi Esali Jehova rẹ lu iwẹnna itẹmhọn Osẹnobulua yẹ bhi otọ agbọn nan rebhe, bi ebi Jehova rẹ ha rẹkpa ele yẹ.
Esali Jehova tẹmhọn Osẹnobulua bhi eje kẹkẹ bhi otọ agbọn nan rebhe: (A) Costa Rica, (B) United States, (C) Benin, (D) Thailand, (E) Yap, (F) Sweden
4. Mhan manman dọnmhegbe nin mhan rẹ tẹmhọn Osẹnobulua man ẹbho rebhe
Esali Jehova manman wo dọnmhegbe nin ele rẹ tẹmhọn Osẹnobulua man ẹbho bhi eji ene ẹbho ki rẹ ha ye. Ghe ọne IVIDIO, bha ha zilo nyan ọne inọnta nan:
-
Emhin nela ti uwẹ bhọ bhi ẹwẹ emhin nin Esali Jehova lu nin ele da sabọ ha tẹmhọn Osẹnobulua man ẹbho?
Tie Matthew 22:39 bi Romans 10:13-15, bha ha zilo nyan ene inọnta nan:
-
Be iwẹnna itẹmhọn Osẹnobulua nin mhan lu, rẹ rẹman yẹ ghe mhan hoẹmhọn ibo mhan?
-
Ẹlo nela iJehova rẹ ghe ẹbho ne tẹmhọn Agbejele?—Fẹ ulọnlẹn 15 ghe.
5. Ene deba Osẹnobulua wẹnna mhan khin
Emhin ne sẹ sunu bhi agbaẹbho kẹkẹ rẹman ghe, Jehova dia mhan bhi ọne iwẹnna nan. Bhi ọsi ijiẹmhin, ọsodanmhẹn ọkpa, beji obhio mhan natiọle Paul bhi agbaẹbho ọsi New Zealand rẹ ha lu iwẹnna itẹmhọn Osẹnobulua, ọle da sobọ bhi odẹ ọsi okhuo ọkpa. Ọsewewiẹ bhi ọne ukpẹdẹ nin, ọne okhuo ka bhii Jehova bhi erọnmhọn nin ọle je ọria bu ọle re. Ọ bha sẹ bue gbe, obhio mhan nin Paul da sobọ bhi odẹ.
Tie 1 Corinthians 3:9, bha ha zilo nyan ọne inọnta nan:
-
Be okha kẹkẹ, bọsi ọnọn sunu bhi New Zealand rẹ rẹman yẹ ghe, Jehova dia iwẹnna nọnsẹmhan?
Tie Acts 1:8, bha ha zilo nyan ọne inọnta nan:
-
Bezẹle nin mhan da guanọ urẹkpa nọnsi Jehova bhi iwẹnna itẹmhọn Osẹnobulua nin mhan lu?
Uwẹ be rẹ lẹn?
Bhi ikolo oga nin mhan do bhi ẹkẹ uzana, mhan luẹ ebi a rẹ tẹmhọn Osẹnobulua man ẹbho yẹ. Ahamiẹn uwẹ sẹ yo ene ikolo nan khẹ, be uwẹ ghe ene iman-emhin yẹ?
6. Osẹnobulua hi ọnọn je mhan
Bhi ore nin ọhẹnhẹn, ẹbho da wo ha guanọ nin ele de idobolo ọbhi iwẹnna itẹmhọn Osẹnobulua. Ranmhude ọnan, ene iKristiẹn da ha noo uhi kẹkẹ ọsi gọvamẹti, yẹ ha mun ẹzọ yo ikotu, beji ele ha da miẹn otọ rẹ ha tẹmhọn Agbejele. (Philippians 1:7) Ọnin hi emhin nin Esali Jehova yẹ lu ẹlẹnan. a
Tie Acts 5:27-42, bha ha zilo nyan ọne inọnta nan:
-
Bezẹle nin mhan ha da sẹyẹ ha tẹmhọn Osẹnobulua aharẹmiẹn a yọle nin mhan hẹi yẹ tale?—Fẹ ulọnlẹn 29, 38, bi 39 ghe.
ỌRIA SABỌ NỌỌN UWẸ YỌLE: “Bezẹle nin Esali Jehova da na bhi ukuwa rẹ sẹbhi ukuwa?”
-
Be uwẹ ha rẹ wanniẹn ọlẹn yẹ?
EBI MHAN LUẸLE
Jesu da taman ene rẹkhan ọlẹn nin ele dọ ha tẹmhọn Agbejele na bhi otọ agbọn rebhe. Jehova wo rẹkpa ẹbho nesọle rẹ ha lu ọne iwẹnna.
Uwẹ Be Yẹ Yere?
-
Be Esali Jehova rẹ lu iwẹnna itẹmhọn Osẹnobulua yẹ bhi otọ agbọn rebhe?
-
Be iwẹnna itẹmhọn Osẹnobulua nin mhan lu rẹ rẹman yẹ ghe mhan hoẹmhọn ibo mhan?
-
Uwẹ be riale iwẹnna nọn ha sabọ re ọria ha ghọnghọn iwẹnna itẹmhọn Osẹnobulua khin? Bezẹle nin uwẹ da ta iriọ?
FẸ ENE EMHIN NAN GHE
Ghe ọne ividio nan nin uwẹ rẹ daghe ebi Esali Jehova rẹ tẹmhọn Osẹnobulua yẹ bhi agbaẹbho nin ẹbho da manman bun.
Ebi A Rẹ Lu Iwẹnna Itẹmhọn Osẹnobulua Nan Da Re Ebe Waa Yẹ bhi Paris (5:11)
Be Esali Jehova lu, nin ele da sabọ tẹmhọn Osẹnobulua man ẹbho nin okhọn khu sibhi agbaẹbho nọnsele re?
Ebi Mhan Rẹ Tẹmhọn Osẹnobulua Man Ẹbho Nin Okhọn Khu Yẹ (5:59)
Kaehọ okha ọsi obhio mhan, nin uwẹ daghe eghọnghọn nọn nabhọre, sade ọria re iẹnlẹn nọnsọle rẹ ha lu iwẹnna itẹmhọn Osẹnobulua.
Fẹ ẹzọ eso nan bhu nin Esali Jehova bhi ikotu, nọn re ọle lẹkhẹ nin ele rẹ ha lu iwẹnna itẹmhọn Osẹnobulua.
“Ene Tẹmhọn Agbejele Da Mun Ẹzọ Ha Khian Ikotu” (God’s Kingdom Rules!, uhọnmhọnlẹn 13)
a Osẹnobulua hi ọnọn je mhan nin mhan dọ tẹmhọn ọlẹn. Bhiriọ, ene gbeloghe ida sabọ mun mhan mhọnlẹn nin mhan hẹi tale.
Emhin Ebhebhe Ne Ha Yẹ Ti Uwẹ Bhọ
INỌNTA NIN ẸBHO KẸ NỌỌN
Bebhọ Iluẹmhin IBaibo?
Min ewanniẹn rẹji inọnta rẹji iluẹmhin iBaibo nin man nẹn ẹbho luẹ ọsọhẹ.
