Jehova guanọ nin mhan lẹn azagba-uwa nọnsọle nọn ribhi okhun. Ene ẹhi deba azagba-uwa nọnsi Jehova. Baibo da tie ele imọn nesi Osẹnobulua. (Job 38:7) Be iBaibo tale rẹji ene ẹhi? Ahu nela ele mhọn bhi egbe ọsi eria? Ene ẹhi rebhe be sẹyẹ ribhi azagba-uwa nọnsi Jehova?

1. Hela ene ẹhi khin?

Ene ẹhi Jehova ka man ọkuẹsẹ ọle man ọne otọ nan. Bọsi Jehova, ẹlinmhin ele yẹ khin. Okhun ele da nyẹnlẹn. (Hebrews 1:14) Ẹhi nin Jehova manlẹn bun sẹbhi ẹbo bhi ijanlẹn iyisẹn ne bunbun. Ele mhọn uwedẹ kẹkẹ nin ele rẹ lu emhin. (Revelation 5:11) Ene ẹhi ‘re obọ rẹkhan ọta nọnsi Jehova, yẹ hẹnmhọn nanlẹn.’ (Psalm 103:20) Bhi ẹghe ẹdẹlẹ, Jehova da wo ha je ẹhi nesọle bu eria ne dọ wewe uhọnmhunje man ele, la ne dọ rẹkpa ele. Ukpẹdẹ nin ẹlẹnan, ene ẹhi sẹyẹ dia Esali Jehova bu ẹbho ne guanọ nin ele luẹ ẹmhọn iJehova.

2. Họla hi Esu? Hela hi ene ẹlinmhin ebe?

Ẹhi eso nin Jehova manlẹn da sọtẹ da ọle. Ọnọn mun ọkalo bhi ene ẹhi nan da ha yi ẹhi nan ki dọ ha tiọle “Esu bi Ojuu, nọn hiẹ ọne agbọn nan rebhe.” (Revelation 12:9) Ranmhude Esu guanọ nin ọle ha gbẹloghe, ọle da hiẹ okpea bi okhuo nin ọhẹnhẹn. Akizẹbue, eso bhi ene ẹhi nekẹle da yẹ deba ọle. Ene ẹhi nan ne sọtẹ, ele hi ẹlinmhin ebe. Jehova da khu ele sibhi okhun re vae bhi ọne otọ nan. Ọle dẹ kẹ fuẹn ele a.​—Tie Revelation 12:9, 12.

3. Be Esu bi ene ẹlinmhin ebe rẹ hiẹ ẹbho yẹ ẹlẹnan?

Ilọnmhon ikpẹbo hi uwedẹ ọkpa nin Esu bi ene ẹlinmhin ebe rẹ hiẹ ẹbho ẹlẹnan. Ebi a re ilọnmhọn ikpẹbo ta hi, nan rẹ ha ne ẹlinmhin ebe muobọ. Bhi ọsi ijiẹmhin, ẹbho eso ghe ahiẹnhiẹn, la atata-obọ ọsi ọria, la ẹlo ọsi ọria nin ele rẹ lẹn ebe ha sunu bhi ẹghe odalo. Ẹbho eso yẹ dọ ha zọbo. Sẹyẹ, ahamiẹn ẹbho eso khọnmhọn, eji ele da guanọ ikhunmhun sabọ rẹ ele di obọ bhi ilọnmhọn ikpẹbo. Ene ẹlinmhin ebe yẹ re ẹbho rẹọbhọ ghe, ele dẹ sabọ ne eria nesele ne yu talọ. Sokpan, Jehova sekha nin mhan yọle: “Bha hẹi bu ọbo nọn bọ nin bha, bha hẹi bu eria ne fẹghe ebi ẹghe odalo ha diaye.” (Leviticus 19:31) Ranmhude Jehova guanọ nin ọle gbega mhan bhi obọ Esu bi ene ẹlinmhin ebe, ọle zẹle nin ọle da gbe ọne uhi nan nin mhan. Ẹghian nesẹmhan ele khin. Ele guanọ nin ele kuan mhan.

 MANMAN LẸN OTỌLE NỌNSẸN

6. Uwẹ dẹ sabọ ne Esu bi ene ẹlinmhin ebe suan

Esu hi ojie ọsi ene ẹlinmhin ebe. Ọle re ele khian. Bhi obọ nọnkẹle, Michael nin ọdiọn ene ẹhi, ọle re ẹhi ne ribhi ibo nọnsi Osẹnobulua khian. Jesu a yẹ tiọle Michael. Be iMichael mhọn ahu sẹ yẹ? Tie Revelation 12:7-9, bha ha zilo nyan ene inọnta nan:

• Họla uwẹ riale ọ mhọn ahu nẹ? Michael bi ẹhi nesọle, la Esu bi ene ẹlinmhin ebe?

• Uwẹ be riale ọkhẹke nin ene rẹkhan iJesu ha mun ofẹn Esu bi ẹlinmhin ebe nesọle?

Uwẹ dẹ sabọ khọn miotọ sade uwẹ ne Esu bi ene ẹlinmhin ebe suan. Tie James 4:7, bha ha zilo nyan ọne inọnta nan:

• Be uwẹ ha rẹ sabọ gbega egbe nọnsẹ yẹ bhi obọ Esu bi ene ẹlinmhin ebe?

 EBI MHAN LUẸLE

Ẹhi nesi Jehova rẹkpa mhan. Eghian nesi Jehova, ọle Esu bi ene ẹlinmhin ebe khin. Ilọnmhọn ikpẹbo hi uwedẹ ọkpa nin ele rẹ hiẹ ẹbho.

Uwẹ Be Yẹ Yere?

• Be ẹhi nesi Jehova rẹ rẹkpa ẹbho rẹ luẹ ẹmhọn ọlẹn yẹ?

• Họla Esu khin? Hela ene ẹlinmhin ebe khin?

• Bezẹle nin uwẹ da guanọ nin uwẹ rẹban ilọnmhọn ikpẹbo?