ILUẸMHIN 25
Be Bhọ Iho Nọnsi Osẹnobulua Rẹji Mhan?
Imhan nin eria itọ bhi ọne agbọn nan hiehie. Iriọ ọbalọ yẹ rẹ vuọn iẹnlẹn nọnsẹmhan. (Job 14:1) Inian Osẹnobulua be gene guanọ nin iẹnlẹn nọnsẹmhan dia? Ahamiẹn ọ iyi iriọ, be hi iho nọnsọle rẹji mhan? Iho nọnsọle dẹ be munsẹ? Ji mhan fẹ ewanniẹn nin Baibo re ọbhi ene inọnta nan ghe.
1. Be iJehova guanọ nin iẹnlẹn nọnsẹmhan diayẹ?
Jehova guanọ nin mhan ha sọnyẹnmhẹn bhi iẹnlẹn. Ẹghe nin ọle rẹ man okpea bi okhuo nin ọhẹnhẹn natiọle Adam bi Eve, ọle da ne ele ọbhi ogba nọn manman mhọn-ose, natiọle ogba ọsi Eden. Ọle da “nan erọnmhọn nin ele yẹ taman ele yọle: ‘Bha ha biẹ, nin bha bunbun, nin bha vuọn ọne otọ nan yẹ ha gbẹloghe ọle.’” (Genesis 1:28) Jehova da ha guanọ nin Adam bi Eve biẹ imọn, nin ele ha gbẹloghe ene elanmhẹn, nin ele yẹ re ọne otọ nan rebhe kiẹn otọ ọfubhegbe. Iho nọnsọle hi, nin ẹbho rebhe re egbe nọn daanlẹn ha nyẹnlẹn bhi ọne otọ nan bhi ighegheghe.
Arẹmiẹn ghe mhan inyẹnlẹn bhi otọ ọfubhegbe beji Osẹnobulua rẹ mhanmhanlẹn, a iho nọnsọle bha fidenọ. Ọle dẹ yẹ mun ọlẹn sẹ. (Isaiah 46:10, 11) Ọle dẹ sẹyẹ lu ọle nin eria ne hẹnmhọn nanlẹn ha nyẹnlẹn bhi agbọn ọfubhegbe bhi ighegheghe.—Tie Revelation 21:3, 4.
2. Be imhan ha lu nin mhan da sabọ ha ghọnghọn?
Jehova man eria nin ele ha guanọ adia bhi obọ nọnsọle. Ọnan zẹle nọn da ghọn mhan rẹ luẹ ẹmhọn ọlẹn yẹ ga ọle. (Tie Matthew 5:3-6.) Jehova guanọ nin mhan kiẹn imọẹ nesọle, ‘nin mhan ha khian bhi uwedẹ nesọle rebhe, nin mhan hoẹmhọn ọlẹn, yẹ re ọkhọle rebhe ha ga ọle.’ (Deuteronomy 10:12; Psalm 25:14) Mhan ha lu iriọ, mhan ki ha ghọnghọn bhi iẹnlẹn, arẹmiẹn ọbalọ kẹkẹ ribhi agbọn. Mhan ki yẹ lẹn ghe, mhan nyẹnlẹn bhi uwedẹ nin Jehova guanọ nin mhan rẹ ha nyẹnlẹn.
MANMAN LẸN OTỌLE NỌNSẸN
Luẹ ebi uwedẹ nin Jehova rẹ man ọne otọ nan rẹ rẹman yẹ ghe, ọle manman hoẹmhọn mhan. Yẹ luẹ ebi Baibo tale rẹji ebi mhan dọ lu bhi agbọn.
3. Jehova guanọ nin mhan ha sọnyẹnmhẹn bhi iẹnlẹn
Ghe ọne IVIDIO, bha ha zilo nyan ọne inọnta nan:
-
Bezẹle nin Jehova da man ọne otọ nan?
Tie Ecclesiastes 3:11, bha ha zilo nyan ọne inọnta nan:
-
Be ẹmhọn nọn ribhi ọne ulọnlẹn nan man uwẹ le rẹji Jehova?
4. Iho nọnsi Jehova bha fidenọ
Tie Psalm 37:11, 29 bi Isaiah 55:11, bha ha zilo nyan ọne inọnta nan:
-
Be imhan rẹ lẹn yẹ ghe, iho nọnsi Jehova rẹji mhan bha fidenọ?
Eria sabọ hẹnhẹn uwa nọn riia a. Bọsi ọne uwa nin, Jehova dẹ hẹnhẹn ọne otọ nan nin eria ebe riia a, yẹ re ọle lu ẹsele nin eria ne hoẹmhọn ọlẹn
5. Ahamiẹn mhan ga iJehova, mhan ki ha mhọn eghọnghọn ọsaje bhi iẹnlẹn
Mhan ha lẹn ebezẹle nin mhan da ribhi agbọn, mhan ki ha mhọn eghọnghọn ọsaje bhi iẹnlẹn. Ghe ọne IVIDIO, bha ha zilo nyan ọne inọnta nan:
-
Elele nela Terumi miẹn, ranmhude ọle dọ lẹn ebezẹle nin ọle da ribhi agbọn?
Tie Ecclesiastes 12:13, bha ha zilo nyan ọne inọnta nan:
-
Be imhan ha rẹ rẹman yẹ ghe emhin rebhe nin Jehova lu nin mhan ti mhan bhọ?
ỌRIA SABỌ NỌỌN UWẸ YỌLE: “Be imhan dọ lu bhi agbọn?”
-
Be uwẹ ha rẹ wanniẹn ọlẹn yẹ?
EBI MHAN LUẸLE
Jehova guanọ nin mhan ha sọnyẹnmhẹn bhi ọne otọ nan bhi ighegheghe. Mhan ha re ọkhọle rebhe rẹ ha ga ọle, mhan bhọ ki ha ghọnghọn bhi ejayenan nian.
Uwẹ Be Yẹ Yere?
-
Be iJehova mhanmhan nin Adam bi Eve?
-
Be imhan rẹ lẹn yẹ ghe iho nọnsi Jehova rẹji eria bha fidenọ?
-
Be uwẹ ha lu nin uwẹ da sabọ ha mhọn eghọnghọn bhi iẹnlẹn?
FẸ ENE EMHIN NAN GHE
Luẹ ebezẹle nin mhan da rẹọbhọ ghe ogba ọsi Eden gene ha ribhi ọne otọ nan.
“Ogba ọsi Eden Be Gene Ha Ribhi Ọne Otọ Nan?” (The Watchtower, January 1, 2011)
Luẹ ebezẹle nin mhan da rẹọbhọ ghe ọne otọ nan dẹ ha ribhọ rẹ sẹbhi ighegheghe.
Luẹ ebi Baibo yọle ọkhẹke nin uwẹ lu, nin uwẹ da sabọ ha mhọn eghọnghọn bhi iẹnlẹn.
Fẹghe ebi okpea ọkpa, nọn rẹ ha riale ọle mhọn emhin rebhe bhi iẹnlẹn, rẹ dọ miẹn eghọnghọn ọsaje yẹ.
a Bhi iluẹmhin nọn rẹkhan ọnan, uwẹ dẹ luẹ ebe sunu nọn zẹle nin mhan ida nyẹnlẹn bhi otọ ọfubhegbe ẹlẹnan.
Emhin Ebhebhe Ne Ha Yẹ Ti Uwẹ Bhọ
INỌNTA NIN ẸBHO KẸ NỌỌN
Bebhọ Iluẹmhin IBaibo?
Min ewanniẹn rẹji inọnta rẹji iluẹmhin iBaibo nin man nẹn ẹbho luẹ ọsọhẹ.
