Ranmhude akan-ehọ nin Adam bi Eve mhọn da Osẹnobulua, ọle zẹle nin mhan da kiẹn eria olukhọ. Ọle yẹ zẹ nin mhan da ha loya yẹ yu. a Ọkpakinọn, mhan mhọn iruduba. Rẹ na bhi obọ iJesu Kristi nin ọmọn nọnsọle, Jehova da tuje uwedẹ a nin mhan rẹ miẹn umiẹnfan bhi obọ olukhọ bi uu. Baibo rẹkpa mhan rẹ lẹn ghe, rẹ na bhi obọ uyumhin nọnsi Jesu, ọle iJehova rẹ dẹ mhan kiere. Inian izọese nọnsi Jesu diabe igho nan hale, nan rẹ fan ọria fia. (Tie Matthew 20:28.) Iẹnlẹn nọn gbale nọnsi Jesu, ọle Jesu rẹ haosa ọbhi olukhọ nọnsẹmhan. Jesu bha ha mhọn olukhọ soso bhi egbe. Ọle ha rẹ sabọ nyẹn bhi ọne otọ nan bhi ighegheghe. Ọkpakinọn, ọle da re iẹnlẹn nọnsọle rẹ haosa ọbhi olukhọ nọnsẹmhan, beji mhan ha da sabọ miẹn emhin rebhe nin Adam bi Eve mun fia. Jesu da rẹ ọnan rẹman, ebi ọle bi Jehova họẹmhọn mhan sẹ yẹ. Emhin nin uwẹ ha luẹ bhi ọne uhọnmhọn-ọta nan dẹ re izọese nọnsi Jesu manman ha ti uwẹ bhọ.

1. Elele nela mhan ha sabọ miẹn bhi uyumhin nọnsi Jesu bhi ejayenan nian?

Ranmhude eria olukhọ mhan khin, ẹghe-ẹghe mhan rẹ lu emhin ne iyẹẹ iJehova. Ọrẹyiriọ, mhan dẹ sabọ kiẹn imọẹ iJehova sade mhan lu ene emhin ea nan: Ọhẹnhẹn, mhan ki kiẹ oya bhi emhin ebe nin mhan lu. Ọzeva, mhan ki bhii Jehova bhi elin nọnsi Jesu Kristi, nin ọle rẹhunmhan mhan. Ọzea, mhan ki dọnmhegbe nin mhan rẹ rẹban ọne emhin ọbe. (1 John 2:1) Baibo da yọle: “Kristi da yu bhi olukhọ osukpa, ọria nọn khiale da yu nin eria ne bha khia, nin ọle da sabọ ne bha bu Osẹnobulua.”​—1 Peter 3:18.

2. Elele nela mhan ha sabọ miẹn bhi uyumhin nọnsi Jesu bhi ẹghe odalo?

Jehova da je iJesu nọn re iẹnlẹn nọnsọle rẹ zọese ọbhi olukhọ nọnsẹmhan, beji a ha da miẹn ghe ‘ọrebhe ne mhọn urẹọbhọ da iJesu, a ida fuẹn ele a. Ele ki ha mhọn iẹnlẹn ọsi ighegheghe.’ (John 3:16) Ranmhude ebi Jesu lu, Jehova dẹ kẹ dọ hẹnhẹn emhin rebhe ne riia bhi ọne agbọn nan, ẹghe nin Adam rẹ gbobọrauhi. Bhiriọ, mhan ha mhọn urẹọbhọ da iJesu, mhan ki sabọ nyẹn bhi otọ ọfubhegbe bhi ighegheghe!​—Isaiah 65:21-23.

 MANMAN LẸN OTỌLE NỌNSẸN

3. Uyumhin nọnsi Jesu miẹn mhan fan bhi obọ olukhọ bi uu

1. Adam bha ha mhọn olukhọ soso bhi egbe ẹghe nin Osẹnobulua rẹ man ọlẹn. Ọkpakinọn, ọle da gbobọrauhi nọnsi Osẹnobulua yẹ gha uu bi olukhọ nin imọn nesọle rebhe

2. Ọria nọn gbale Jesu ha khin, ọle da hẹnmhọn nin Osẹnobulua yẹ re iẹnlẹn nọnsọle rẹ zọese, beji ọrebhe ha da sabọ ha mhọn iẹnlẹn ọsi ighegheghe

4. Ẹbho rebhe dẹ sabọ miẹn elele bhi uyumhin nọnsi Jesu

 5. Ẹsele nin Jehova lu nin uwẹ, ọle izọese nọnsi Jesu khin

Imọẹ Jehova ghe izọese nọnsi Jesi bii emhin nin Jehova rẹ lu ẹsele nin ele. Bhi ọsi ijiẹmhin, tie Galatians 2:20, bha ha zilo nyan ọne inọnta nan:

• Be iPaul nin odibo rẹ rẹman yẹ ghe, ọle ghe izọese nọnsi Jesu bii emhin nin Jehova rẹ lu ẹsele nanlẹn?

Ranmhude olukhọ nin Adam lu, ọle da yu. Imọn nesọle da yẹ ha yu. Ọkpakinọn, Jehova da je ọmọn nọnsọle re nọn dọ yu ọbhi olukhọ nọnsẹmhan, beji uwẹ ha da sabọ nyẹn bhi ighegheghe.

Beji uwẹ ha rẹ ha tie John 19:1-7, 16-18, ria ẹmhọn ebi ọ dia iJehova bhi egbe yẹ ẹghe nin ọmọn nọnsọle rẹ ha loya. Bha ha tie ọle fo, bha zilo nyan ọne inọnta nan:

• Be uwẹ ghe emhin nin Jehova bi Jesu lu nin uwẹ yẹ?

 EBI MHAN LUẸLE

Ranmhude uyumhin nọnsi Jesu, Jehova dẹ sabọ rẹhunmhan mhan. Uyumhin nọnsi Jesu yẹ zẹle nin mhan ha da sabọ nyẹn bhi ighegheghe.

Uwẹ Be Yẹ Yere?

• Bezẹle nin Jesu da yu?

• Bezẹle nin iẹnlẹn nọnsi Jesu da ha yi izọese nọn khẹke nan ha rẹ dẹ mhan kiere?

• Elele nela mhan ha sabọ miẹn bhi uyumhin nọnsi Jesu?