Mhan rebhe guanọ nin imọẹ mhan ha yi eria ne ta ẹmhọanta. Jehova yẹ guanọ nin imọẹ ọle ha yi eria ne ta ẹmhọanta. Ọkpakinọn, ranmhude ohoghe nọn gba ọne agbọn nan ẹlẹnan, ọ iyi emhin nọn lẹkhẹ nin ọria rẹ ha ta ẹmhọanta. Elele nela mhan ha miẹn bhọ sade mhan ta ẹmhọanta bhi emhin rebhe?

1. Be manman zẹ nọn da khẹke nin mhan ha ta ẹmhọanta?

Ahamiẹn mhan ta ẹmhọanta ẹghe rebhe, mhan ki rẹman ghe mhan hoẹmhọn iJehova. Mhan ki yẹ rẹman ghe mhan mun ekpẹn nanlẹn. Yere ghe, Jehova lẹn emhin rebhe nin mhan lu, bi emhin rebhe nin mhan ria ẹmhọnlẹn. (Hebrews 4:13) Ọ manman ti ọle bhọ sade mhan ta ẹmhọanta. Baibo rẹkpa mhan rẹ lẹn ghe “ọria eku sọnnọn iJehova. Bhi obọ nọnkẹle, ọria nọn khiale ọle deba lu ọmọẹ.”​—Proverbs 3:32.

2. Be hi uwedẹ eso nin mhan ha rẹ rẹman ghe eria ẹmhọanta mhan khin?

Jehova guanọ nin mhan ha “ta ẹmhọanta man egbe.” (Zechariah 8:16, 17) Be imhan ha rẹ ha lu ọnan yẹ? Mhan ida ha bha ohoghe man ene imhan ko ribhi azagba-uwa, ene imhan ko wẹnna, ibhio mhan nin mhan ko ga, la ene wẹnna nin gọvamẹti. Mhan ida ha ra, la mun ẹbho lu. (Tie Proverbs 24:28 bi Ephesians 4:28.) Mhan ki yẹ ha haosa igho uhọnmhọn rebhe ne khẹke nin mhan ha. (Romans 13:5-7) Ọkhẹke nin mhan ha yi eria ẹmhọanta bhi ene uwedẹ nan bi uwedẹ nekẹle rebhe.​—Hebrews 13:18.

3. Be hi elele nin mhan ha miẹn bhọ sade mhan ta ẹmhọanta ẹghe rebhe?

Ẹbho ha lẹn mhan ọbhi ẹmhọanta, ele ki gbaẹkẹ mhan. Mhan ki yẹ deba ha tuẹn okugbe nọn ribhi ẹkẹ agbotu okhun, ranmhude ọria soso bhi ẹwẹ mhan ida ha khẹnegbe. Sẹyẹ, ọkhọle nọnsẹmhan ida ha gbe mhan asan. Ahamiẹn ghe eria ẹmhọanta mhan khin, mhan ki yẹ ‘re iman-emhin nọnsi Osẹnobulua ha mhọn-ose.’ Ọnan ki re ẹbho dọ deba mhan ha ga iJehova.​—Titus 2:10.

 MANMAN LẸN OTỌLE NỌNSẸN

5. Ha ta ẹmhọanta bhi emhin rebhe

 6. Elele nabhọre sade mhan ta ẹmhọanta

Ẹmhọn sabọ nabhọre ẹgheso sade mhan ta ẹmhọanta. Ọrẹyiriọ, nan rẹ ha ta ẹmhọanta, ọle hi emhin nọn sẹyẹ mhẹn nẹ, ranmhude, bhi ọkike ọle, elele dẹ nabhọre. Tie Psalm 34:12-​16, bha ha zilo nyan ọne inọnta nan:

• Elele nela uwẹ sẹ miẹn ranmhude uwẹ ta ẹmhọanta?

1. Ọdọ bi amhẹn ne ta ẹmhọanta man egbe ziẹn ibọdọ bi ireokhuo nọnsele

2. Ọria nọn ta ẹmhọanta bhi isi iwẹnna, ọle ọwanlẹn nọnsọle gbaẹkẹ ọle

3. Ahamiẹn eria ẹmhọanta mhan khin, ene wẹnna nin gọvamẹti dẹ lẹn mhan ọbhọ

 EBI MHAN LUẸLE

Jehova guanọ nin imọẹ ọle ha ta ẹmhọanta ẹghe rebhe. Ọle yẹ guanọ nin ele rẹban eku bhi emhin nin ele lu.

Uwẹ Be Yẹ Yere?

• Be hi uwedẹ eso nin mhan ha rẹ rẹman ghe, eria ne ta ẹmhọanta mhan khin?

• Bezẹle nọn da yi emhin uhuki, nin mhan rẹ ha riale ghe mhan dẹ sabọ re ẹmhọanta he nin Jehova?

• Bezẹle nin uwẹ da guanọ nin uwẹ ha ta ẹmhọanta ẹghe rebhe?